Deelname aan Musikwoche verdubbel
’n Geliefde tradisie onder musikante leef weer voort op Swakopmund met dubbel die aantal inskrywings vanjaar. Die alombekende Swakopmunder Musikwoche, ’n slypskool en geleentheid vir samesyn van meer as 200 klassieke musikante sal vanaand en môreaand om 18:00 gehore by die Namib Primêre Skool se aula met hul jaarlikse konsert betower.
Die Musikwoche sluit af met ’n kerkdiens en konsert in die Duitse Evangeliese Lutherse Kerk op die kusdorp. Senior burgers en inwoners van outehuise word ook genooi om die Musikwoche-konsert se kleedrepetisie vandag om 10:30 by te woon.
Die Musikwoche se direkteur vir organisering, Ailly Namupala, sê die komitee is van plan om gesprekke aan te knoop met belangrike persone in die regering oor die belang van hierdie geleentheid. “Hierdie jaar het julle in getal verdubbel. As ons brûe wil bou en gemeenskappe wil verbind, moet ons hierdie visie vorentoe neem. Ek is van plan om aan die minister van onderwys – en selfs aan die president – te skryf om die storie te deel van wat julle hier bou. Julle stemme verdien om gehoor te word.”
Met die Musikwoche se 60ste herdenking in 2027 hoop die komitee om brûe en bande deur musiek te bou. "Deur musiek skep ons 'n Namibië wat luister, verstaan en saam groei,” lui ’n verklaring van Musikwoche.
Die eerste Musikwoche is in 1965 gehou, maar kon in 2020 weens die Covid-19-pandemie nie aangebied nie. Die geleentheid het in 2021 in ’n nuwe formaat plaasgevind met ’n ouderdomsbeperking en het dus slegs musikante onder 25 jaar toegelaat om deel te neem.
Onder die leiding van Hendi Krog sal hierdie groep musikante, hetsy jong sangers of instrumentele musikante van minder gegoede agtergronde, aan verskeie soorte musiekgenres – onder meer klassieke, Westerse en tradisionele musiek van Afrika – blootgestel word.
– [email protected]
Die Musikwoche sluit af met ’n kerkdiens en konsert in die Duitse Evangeliese Lutherse Kerk op die kusdorp. Senior burgers en inwoners van outehuise word ook genooi om die Musikwoche-konsert se kleedrepetisie vandag om 10:30 by te woon.
Die Musikwoche se direkteur vir organisering, Ailly Namupala, sê die komitee is van plan om gesprekke aan te knoop met belangrike persone in die regering oor die belang van hierdie geleentheid. “Hierdie jaar het julle in getal verdubbel. As ons brûe wil bou en gemeenskappe wil verbind, moet ons hierdie visie vorentoe neem. Ek is van plan om aan die minister van onderwys – en selfs aan die president – te skryf om die storie te deel van wat julle hier bou. Julle stemme verdien om gehoor te word.”
Met die Musikwoche se 60ste herdenking in 2027 hoop die komitee om brûe en bande deur musiek te bou. "Deur musiek skep ons 'n Namibië wat luister, verstaan en saam groei,” lui ’n verklaring van Musikwoche.
Die eerste Musikwoche is in 1965 gehou, maar kon in 2020 weens die Covid-19-pandemie nie aangebied nie. Die geleentheid het in 2021 in ’n nuwe formaat plaasgevind met ’n ouderdomsbeperking en het dus slegs musikante onder 25 jaar toegelaat om deel te neem.
Onder die leiding van Hendi Krog sal hierdie groep musikante, hetsy jong sangers of instrumentele musikante van minder gegoede agtergronde, aan verskeie soorte musiekgenres – onder meer klassieke, Westerse en tradisionele musiek van Afrika – blootgestel word.
– [email protected]
Kommentaar
Republikein
Geen kommentaar is op hierdie artikel gelaat nie