Davel betower by Droombos

Anna Davel het Sondagaand by die FNB Windhoek Woordfees se Sondae in September-reeks by Droombos konsertgangers met haar fluweelstem betower. Die fees sluit op Sondag 27 September die reeks in die Droombos-tuin op ’n hoogtepunt af met “Van Koos tot Karin”. Plaaslike kunstenaars Vaughn Arens, Rias Oberholzer, Shannon Grace, Sanet Lambrechts en Sophia Jessercheck sal op die verhoog wees. Kaartjies kos N$200 per persoon en N$150 vir pensioenarisse en is beskikbaar by Model-supermarkte of www.webtickets.com.na. Foto Iréne-Mari van der Walt