Dance Battle laat die voete jeuk

As deel van die 2024 Otjomuise Live Arts Festival (OLAF) MOVE! Edition, sal die strate van Windhoek opnuut nuwe lewe kry wanneer die opwindende Dance Battle Saterdag, 12 Oktober by die Sifu-arena plaasvind.Bekend vir sy dinamiese optredes en kulturele betrokkenheid, beloof OLAF se Dance Battle om van Namibië se mees talentvolle dansers ten toon te stel terwyl hulle &#039;n gevoel van gemeenskap deur die krag van beweging bevorder.Vanjaar se Dance Battle is die laaste geleentheid van die vierdaagse fees en dit bied dansers &#039;n platform om hul vaardighede en kreatiwiteit voor &#039;n skare mense ten toon te stel. Deelnemers sal die kans kry om mee te ding vir kontantpryse met die eersteplek wat N$10 000, tweedeplek N$5 000 en derdeplek N$3 000 sal ontvang. Dít alles terwyl hulle die ryk diversiteit van dansstyle regoor die stad vier. Die kompetisie is oop vir almal en die organiseerders is opgewonde om deelnemers van elke uithoek van Windhoek te verwelkom.GEMEENSKAPBehalwe vir die opwinding van die kompetisie, het OLAF 2024 ten doel om betekenisvolle gemeenskapsbetrokkenheid deur dans te bevorder. Die artistieke direkteur Stanley Mareka beskou die Dance Battle as &#039;n geleentheid vir plaaslike dansers om die energie en passie van Namibiese jeug uit te beeld. “Die Dance Battle is ’n ruimte waar dansers hulself kan uitdruk, en waar die gemeenskap saam kan kom om plaaslike talent te aanskou en te ondersteun,” het Mareka gedeel. Die Dance Battle is gratis om by te woon met die doel om te verseker dat alle Namibiërs die kans kry om hierdie kulturele geleentheid te ervaar. Met sy klem op inklusiwiteit, gaan OLAF voort om dans vir almal toeganklik te maak."Die Dance Battle is &#039;n opwindende manier om mense bymekaar te bring en om te vier wat dans so spesiaal maak - sy vermoë om mense oor verskillende agtergronde, kulture en ervarings bymekaar te bring. OLAF MOVE! Edition gaan oor meer as net optredes, dit gaan oor die bou van &#039;n gemeenskap deur die kunste," meen die fees se mededirekteur, Michelle Namases.Die Dance Battle sal vier dae van ongelooflike optredes en werkswinkels insluit. Die hele fees, wat vanaf 9 tot 12 Oktober duur, is gratis en oop vir die publiek met 14 dansgeleenthede wat op 17 openbare terreine plaasvind. Die Dance Battle beloof veral om &#039;n dinamiese en onvergeetlike gebeurtenis vir dansers en toeskouers te wees.– republikein@republikein.com.na

Dance Battle laat die voete jeuk

Kommentaar

Republikein 2025-11-05

Meld asseblief aan om kommentaar te lewer

Dance Battle laat die voete jeuk

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.