Biltongfees het iets vir elke smaak

Hoewel feesgangers elke jaar na topklas-musiek en hope ander vermaak by die Biltongfees uitsien, is die hart en siel van dié gebeurtenis die stalletjies met hope smullekker biltong en ander vleissnitte en dié van ander uitstallers wat geskenke, handgemaakte items en heerlike tuisgebak verkoop. Die fees vind vanjaar op 30 Julie in die hoofstad by die Trustco United-sportgronde plaas.Vanjaar kan feesangers verwag om te smul aan biltong (natuurlik) en ander plaasvars produkte soos gerookte vleis en ingelegde kase. Onder dié uitstallers is die Ouma Nora-slaghuis, Plaasjapie, Perfect Quality Biltong, Biltong & Bites, Orpheus Produkte (kase en vleis), JK Retailers, Van Vuuren Biltong, Roots Namibia, Elite Biltong en Omaheke Megasave. Tussendeur kan feesgangers aan ‘n glasie bier van Namibia Breweries se stalletjie teug. Ander stalletjies sal sorg vir ‘n veelsydige markervaring met klere, modebykomstighede, speelgoed, juwele, skoonheidsprodukte, handgemaakte seep en higiëniese produkte, kombuistoerusting en ander dekor-items – selfs olieverf-skilderye. Vir die smulpape is daar varsgebakte produkte soos koekies, beskuit en brood, tuisgemaakte lekkernye soos speserye, souse, jogurtballetjies en ingelegde olywe. Die kleinspan kan selfs vir ma en pa oorreed om vir hulle ‘n helium ballon te koop. Onder dié stalletjies is Erika’s, Gerda Bernhardt Speelgoed, Fairy Floss, Kulautale Trading, Marianna Akers, Lorna’s Fashions, Brandplan (Mooi Nooi Hair Salon en Bosos Clothing Dis), Lizette Wiese Jewellery, Poppelops, Dusty&#039;s Pallet Creation, Joshua, Maxleather, Blumen Margot, Nictus, Sunshine Piercings, Sterling Star Jewellery en L & L Holdings. Behalwe vir die biltongstalletjies, sal Heerlike Gebak, M’s Sauces, Delicio Products en Spice & Scale World sorg dat jy met sakke vol eetgoed huis toe gaan. Pupkewitz Motor Holdings bring ook al hul voertuie na dié fees waarna Namibiërs al vir twee jaar uitsien! Kaartjies is nou beskikbaar, so maak seker jy kry joune by www.eticket.my.na.– republikein@republikein.com.na

Biltongfees het iets vir elke smaak

Kommentaar

Republikein 2025-05-01

Meld asseblief aan om kommentaar te lewer

Biltongfees het iets vir elke smaak

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie