Argitektoniese kunswerke uit Berseba

Die modelbouer Hendrik Isaaks (44), wat oorspronklik van Gibeon is, woon die afgelope 18 jaar op Berseba waar hy hom in sy kuns uitleef. Isaaks maak modelle van bekende geboue in Namibië uit hout en klippe. Hy is tans besig om ’n model van die Christus Kirche in Windhoek te maak.“Ek is ook besig met die museumop Keetmanshoop en ’n gebou van Berseba. Ek werk gelyk aan al drie die modelle. Ek het onder meer al die Alte Feste in Windhoek en die bekende kerk in Berseba gemaak.”Die model van die Berseba-kerk is tydens ’n kerkbasaar vir N$5 000 verkoop en Isaaks het die geld aan die kerk geskenk. “Ek is deur die Groot Man geseën met dié talent en op die manier kon ek vir die kerk iets teruggee.”Volgens Isaaks is dit baie fyn werk om so ’n model te maak en vat dit lank om dit perfek op klein skaal te herskep. “Vat byvoorbeeld die Christus Kirche. Ek moet al die vensters en deure uitsny. Dan vat ek klippe en kap hulle pas, om hulle met gom teen die mure te plak sodat dit lyk soos die klipmure van die regte kerk. Dit is presies wat ek ook met die model van die Keetmanshoop-museum gemaak het.”Volgens Isaaks is daar nie regtig ’n mark vir sy modelle in Berseba nie en sal hy Windhoek toe kom wanneer die kerk voltooi is om dit in die hoofstad te probeer verkoop. -tanja@republikein.com.na

Argitektoniese kunswerke uit Berseba

Kommentaar

Republikein 2025-06-19

Meld asseblief aan om kommentaar te lewer

Argitektoniese kunswerke uit Berseba

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie