Applous (weer) vir St. George’s se koor

St. George’s is Woensdagaand in die historiese Kaapstadse stadsaal vir ‘n tweede keer as wenners in die kategorie vir primêre skole tydens die gesogte ATKV Applous-kompetisie se se finale aangewys. Die koor wat uit ‘n verkose groep talentvolle sangers uit graad 3 tot 7 bestaan, het sodoende hul titel vir die kategorie verdedig wat hulle in verlede jaar se finale verower het. 

Jolanda Amoraal, die St. George’s kamerkoor se dirigent sê om as verdedigende kampioene terug te keer en weer die titel te verower “is ongelooflik spesiaal”.

“Ons is ongelooflik trots op ons leerlinge wat beide St. George’s en Namibië met uitnemendheid, nederigheid en trots verdedig het.”