’n Naweek vol opwinding

Iréne-Mari van der Walt en Michael Kayunde – Dit was ’n naweek propvol musiekpret in die hoofstad met vanjaar se Deep In The City-fees wat talle feesgangers gelok het. Die tweede Deep Dive Seekos- en Wynfees het ook Saterdag in die hoofstad plaasgevind met die room van die plaaslike musiekbedryf wat die verhoog aan die brand gesing het. Verskeie Suid-Afrikaanse kunstenaars, insluitend die Samson Brothers en die rockgroep Watershed, het ook opgetree. Verskeie sjefs, soos Suid-Afrika se Benny Masekwameng asook Keanu Diegaardt en Mark Jacobs, het ook kosdemonstrasies by dié fees aangebied.Die 2024 Deep In The City-fees het by die Windhoekse skougronde plaasgevind en was ’n tweedaagse viering van musiek, kultuur en samesyn.Die geleentheid, wat Saterdag en gister aangebied is, was ’n reusesukses danksy die noukeurige beplanning deur die organiseerders, Jurra Inn. Dit was duidelik dat geen detail oor die hoof gesien is nie. Die venue was pragtig versier met opvallende handelsmerke, wat ’n uitnodigende en energieke atmosfeer geskep het.Die fees het ook voorsiening gemaak vir uiteenlopende musieksmake, met onder meer optredes deur Emmanuel Rose tot die dinamiese Tumi Mohamed, DJ Kiki en vele meer.Elke optrede het sy unieke flair gebring, wat verseker het dat die skare voortdurend betrokke was.Die geleentheid het talle plaaslike inwoners en musiekliefhebbers van buite gelok, wat die geleentheid se groeiende reputasie ten toon gestel het. Dit was duidelik dat Deep In The City alle verwagtinge oortref het en sy plek op Namibië se vermaaklikheidskalender verseker het. – republikein@republikein.com.na

’n Naweek vol opwinding

Kommentaar

Republikein 2025-06-18

Meld asseblief aan om kommentaar te lewer

’n Naweek vol opwinding

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie