Woordfees skop volgende week af!
Die Windhoek Woordfees sal vanjaar weer die gebruiklike skrywersgesprekke aanbied, met die kollig veral op Namibiese skrywers, en sal op ’n hoogtepunt eindig met die blootstelling van plaaslike talent deur die Oop Mikrofoon-sessies.
OOP MIKROFOON
Windhoek Woordfees bied graag ‘n platform aan bekende sowel as opkomende kunstenaars. Daar is tydens hierdie Herfsfees nie minder nie as drie dae waar Namibië sy talentblare kan laat dwarrel:
• Woensdag, 6 April 2022: Rias Oberholzer en passiekamerade tuimel ‘n verskeidenheid van sang, vertellings en voorlesings op die maat van musiek.
• Vrydag, 8 April 2022: Die jongklomp van graad 1 tot -12 klop die ritme van die hart in dans, sang, snare en aansteeklike vreugde.
• Saterdag, 9 April 2022: Oppi rug van musiek en liriek, kletsrym en ballet bries hulle met ryp jaarkringe die geur van Afrikaans.
Oop Mikrofoon begin om 19:00 by De Kayak. Kom en teug diep aan die vars van toe en nou.
SKRYWERSGESPREKKE
Dit het ‘n instelling geword om tydens die Windhoek Woordfees onderhoude met skrywers te voer.
Die leser kry die geleentheid om bekende skrywers te ontmoet, en om hulle oor hul lewens en werk te hoor praat. Hierdie jaar word daar onderhoude gevoer met die bekende Namibiese skrywerspersoonlikhede, die digter Kobus Lombard asook die skrywer en digter Marié Blomerus. Beide het reeds wyd gepubliseer. Kobus het reeds vyf bundels die lig laat sien en sy fyn afgeronde verse hanteer universele sake soos verhoudings, skrywerskap en, veral in Skadu oor die sonwyser, die dood.
Marié het in 1986 die Perskorprys vir haar bundel Ithaka ontvang. Haar jongste publikasie Porseleinskerwe bevestig haar liefde vir woorde en reise.
Tydens hierdie geleentheid word daar ook hulde gebring aan die skryfster Hélène de Kok. Hierdie besondere Namibiese dokter se memoirs Barefoot Bushdoctor het in 2017 verskyn. Hélène is op 17 Desember 2021 oorlede. Die werk van hierdie drie besondere mense se werk is onlosmaaklik aan die Namibiese land en landskap verbonde.
Die 2022 skrywersgesprekke vind vanjaar op 2 April vanaf 9.30 by De Kajak in Windhoek plaas.
OOP MIKROFOON
Windhoek Woordfees bied graag ‘n platform aan bekende sowel as opkomende kunstenaars. Daar is tydens hierdie Herfsfees nie minder nie as drie dae waar Namibië sy talentblare kan laat dwarrel:
• Woensdag, 6 April 2022: Rias Oberholzer en passiekamerade tuimel ‘n verskeidenheid van sang, vertellings en voorlesings op die maat van musiek.
• Vrydag, 8 April 2022: Die jongklomp van graad 1 tot -12 klop die ritme van die hart in dans, sang, snare en aansteeklike vreugde.
• Saterdag, 9 April 2022: Oppi rug van musiek en liriek, kletsrym en ballet bries hulle met ryp jaarkringe die geur van Afrikaans.
Oop Mikrofoon begin om 19:00 by De Kayak. Kom en teug diep aan die vars van toe en nou.
SKRYWERSGESPREKKE
Dit het ‘n instelling geword om tydens die Windhoek Woordfees onderhoude met skrywers te voer.
Die leser kry die geleentheid om bekende skrywers te ontmoet, en om hulle oor hul lewens en werk te hoor praat. Hierdie jaar word daar onderhoude gevoer met die bekende Namibiese skrywerspersoonlikhede, die digter Kobus Lombard asook die skrywer en digter Marié Blomerus. Beide het reeds wyd gepubliseer. Kobus het reeds vyf bundels die lig laat sien en sy fyn afgeronde verse hanteer universele sake soos verhoudings, skrywerskap en, veral in Skadu oor die sonwyser, die dood.
Marié het in 1986 die Perskorprys vir haar bundel Ithaka ontvang. Haar jongste publikasie Porseleinskerwe bevestig haar liefde vir woorde en reise.
Tydens hierdie geleentheid word daar ook hulde gebring aan die skryfster Hélène de Kok. Hierdie besondere Namibiese dokter se memoirs Barefoot Bushdoctor het in 2017 verskyn. Hélène is op 17 Desember 2021 oorlede. Die werk van hierdie drie besondere mense se werk is onlosmaaklik aan die Namibiese land en landskap verbonde.
Die 2022 skrywersgesprekke vind vanjaar op 2 April vanaf 9.30 by De Kajak in Windhoek plaas.
Kommentaar
Republikein
Geen kommentaar is op hierdie artikel gelaat nie