Nuwe toekoms vir Alte Feste

Die Amerikaanse ambassade sal deur sy fonds vir kulturele bewaring, die opknapping van die historiese Alte Feste-gebou ondersteun.Die ministerie van onderwys, kuns en kultuur het dit Vrydag bevestig en bygevoeg dat die gebou ook in &#039;n kuns- en kunsvlytsentrum omskep sal word.Die ministerie het ook in Maart verlede jaar &#039;n verklaring van voorneme met die Namibia Craft Centre gesluit, wat die sentrum moet oprig en vir tien jaar bestuur.“Hierdie gebou is die oudste (oorblywende) struktuur in Windhoek en het beduidende historiese waarde vir Namibië,” het die ministerie gesê oor hierdie gebou wat in 1957 tot nasionale monument verklaar is.Ná die opknapping sal ’n klein museum binne die ou fort opgerig word, wat die veelbewoë geskiedenis van die gebou in ag sal neem.Verder word &#039;n kuns- en handwerkmark, &#039;n kunsgalery, klein werkswinkels waar opleiding sal plaasvind, ateljees vir kunstenaars en &#039;n kafee met &#039;n restaurant beplan. Sommige kamers sal as kantore ingerig word en die binnehof – waar die ruitermonument sedert Desember 2013 staan – gaan vir geleenthede ingerig word.“Die Amerikaanse ambassade se entoesiastiese ondersteuning sal nie net Namibië se ryk kulturele erfenis bewaar nie, maar ook ekonomiese bemagtiging en maatskaplike samehorigheid bevorder,” het die ministerie gesê.Die ministerie sal Woensdag verdere besonderhede saam met die Amerikaanse ambassadeur, Randy Berry, by die Alte Feste bekend maak.Tien jaar gelede – in Julie 2014 – is die Alte Feste gesluit met die Nasionale Erfenisraad wat aangekondig het dat dit vir N$50 miljoen opgeknap gaan word. Dit het egter nie gebeur nie.In 2017 het die Duitse ambassade in Windhoek 25 000 euro aangebied om by te dra tot die opknappings. Drie jaar later het die ministerie die Duitse ambassade oor die geld gevra sodat die fort se dak herstel kan word. Die ambassade het glo destyds 9 100 euro verskaf. – republikein@republikein.com.na

Nuwe toekoms vir Alte Feste

Kommentaar

Republikein 2026-05-05

Meld asseblief aan om kommentaar te lewer

Nuwe toekoms vir Alte Feste

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.