Ilana de Vlakte in die Tuin van Digters

Sy’s ‘n plaaskind van Aranos, ‘n man se vrou en die ma van vier, ‘n haarkapper by die see, ‘n digter, ‘n skrywer en ‘n musikant. En sy is vreeslik mooi met haar gul mond en bloedrooi lippe en die manier waarop sy van ‘n plaas in die Kalahari tot op die soom van Swakopmund se branders dit wat sy leef en haar reis noem, in Afrikaanse neerpen en sing.Sy skryf liedjies oor die liefde, vlaktes, vryheid en deeltjies van die lewe tussenin, sê Ilana de Vlakte. Net in Afrikaans. En met ‘n passie en intense liefde vir die woorde van twee van die mees bekende en gevierde digters in Afrikaans, Ingrid Jonker en Breyten Breytenbach, gee sy dit vlerke en kleur en emosie met haar toonsettings.Ilana het verlede jaar haar buiging in die Tuin van Digters by die Breytenbach Sentrum op Wellington met haar toonsettings van Ingrid Jonker se gedigte gemaak en volgende week kuier sy weer in dié befaamde tuin met nuwe gedigte en toonsettings van haar eie en van Breytenbach. Die tema van vanjaar se 14de aanbieding van Tuin van Digters op Vrydag 12 en Saterdag 13 September is onder die vaandel ‘wanatoe’. Die fokus is op die Afrikaanse digters en gedigte se pad vorentoe ná Breyten Breytenbac en Saterdag bied PEN Afrikaans ook ‘n paneelbespreking (hienatoe) hieroor aan. Met Danie Marais as fasiliteerder belig Alwyn Roux, Keith Lewis Oliver, Ryan Pedro, Klara du Plessis en Diana Ferrus die feestema wanatoe en gesels oor die toekoms van die Afrikaanse poësie, met spesiale aandag aan nuwe wisselwerkings, temas en stemme wat die digkuns vorentoe dra. Deel van die program is die begin by die kuns - ? — met uitstallings in die Breytenbach Galery en Cloete-gemeenskapsgalery. Die openingsrede word gelewer deur Marí Borstlap – regisseur, aktrise en ontwerper – bekend vir haar regie van ’ h en Breyten Breytenbach se laaste drama, , by vanjaar se Suidoosterfees. Kurator Anne-Ghrett Erasmus stel saam met kunstenaars Louis Jansen van Vuuren en Marieke Kruger twee besonderse projekte bekend: G, : – gevestigde kunstenaars voer ’n visuele gesprek met Breyten Breytenbach se nalatenskap en ? – jong kunstenaars wys die pad vorentoe in hulle kuns.Ilana de Vlakte het verlede jaar haar eerste enkelsnit 'Kaalvoet Plaaskind' vrygestel wat deur haar geskryf en getoonset is. Sy werk tans aan haar eie album en ook 'n album saam met Gian Groen. - henriette@republikein.com.naKliek hier: https://q.my.na/QBKO

Ilana de Vlakte in die Tuin van Digters

Kommentaar

Republikein 2025-10-28

Meld asseblief aan om kommentaar te lewer

Ilana de Vlakte in die Tuin van Digters

Kommentaar

Republikein 2025-10-28

Meld asseblief aan om kommentaar te lewer

MELD AAN

Advertensie