Euro-rolprentfees skop volgende week af
Fokus op kruiskulturele bande
'n Kursus in videoproduksie word vanjaar bygewerk en word op Keetmanshoop aangebied.
Die Europese Rolprentfees wat jaarliks in Namibië gehou word, is Dinsdag in die hoofstad van stapel gestuur.
Die fees word aangebied deur die afvaardiging van die Europese Unie (EU) in vennootskap met lidlande van die EU in Namibië. Dié betrokke lande is Duitsland, Finland, Frankryk, Portugal, Spanje, Italië, België en Nederland.
Die betrokke plaaslike instellings is die ministerie van inligting en kommunikasietegnologie, die Namibiese Filmkommissie (NFC) en die Filmmakersvereniging van Namibië (FAN).
Aangesien die Europese Jaar van die Jeug in 2022 gevier word, word die komende rolprentfees onder die tema “Youth in diversity: Our shared roots for a better tomorrow” aangebied.
Die fees sal weer eens oor ’n tydperk van twee maande duur, met plaaslike kortfilms en Europese rolprente (met Engelse onderskrifte) wat elke Woensdag vanaf 5 Oktober tot 30 November by The Village Opera House vertoon sal word.
Altesame 18 films (nege plaaslik en nege buitelands) sal deur die loop van die rolprentfees vertoon word.
Dié inisiatief het ten doel om belangstelling en bewustheid oor plaaslike en Europese rolprente onder plaaslike gehore te kweek, sowel as om samewerking en kommunikasie tussen die EU en plaaslike instellings in die private- en openbare sektore te versterk.
Benewens die rolprentvertonings, bied vanjaar se fees ook ’n videoproduksie-kursus wat vanaf 11 tot 14 Oktober in Keetmanshoop aangebied sal word. Dié slypskool sal fokus op die fundamentele aspekte van verfilming, draaiboekskryf en redigering om uiteindelik kursusgangers met die vaardighede toe te rus om hul eie stories uit hul eie perspektief te kan vertel.
Die Duitse ambassade in Namibië sal die nodige finansiering vir die slypskool verskaf.
“Die Europese Rolprentfees is in lyn met die EU en Namibië se kulturele strategieë, met die doel om kuns en kultuur te ontwikkel en te bevorder en kruiskulturele gesprekke en inklusiwiteit aan te moedig,” het die EU se ambassadeur in Namibië, me. Sinikka Antila, tydens die bekendstelling gesê.
“Kulturele samewerking is ’n belangrike deel van die EU se betrokkenheid by lidlande en ons glo geleenthede soos dié skep ’n wonderlike geleentheid om bymekaar te kom en ’n ervaring te deel waardeur ons verskillende lande, kulture en lewensverhale kan beleef.”
Die fees skop af met die vertoning van die plaaslike Oscar-benoemde kortfilm The Invisibles, gevolg deur die Oekraïense rolprent My Thoughts are Silent.
Hou die rolprentfees se Facebookblad (European Union Film Festival – Namibia) dop om op hoogte van die program te bly. Alle rolprentvertonings begin om 19:00 en kan gratis bygewoon word.
– [email protected]
Die fees word aangebied deur die afvaardiging van die Europese Unie (EU) in vennootskap met lidlande van die EU in Namibië. Dié betrokke lande is Duitsland, Finland, Frankryk, Portugal, Spanje, Italië, België en Nederland.
Die betrokke plaaslike instellings is die ministerie van inligting en kommunikasietegnologie, die Namibiese Filmkommissie (NFC) en die Filmmakersvereniging van Namibië (FAN).
Aangesien die Europese Jaar van die Jeug in 2022 gevier word, word die komende rolprentfees onder die tema “Youth in diversity: Our shared roots for a better tomorrow” aangebied.
Die fees sal weer eens oor ’n tydperk van twee maande duur, met plaaslike kortfilms en Europese rolprente (met Engelse onderskrifte) wat elke Woensdag vanaf 5 Oktober tot 30 November by The Village Opera House vertoon sal word.
Altesame 18 films (nege plaaslik en nege buitelands) sal deur die loop van die rolprentfees vertoon word.
Dié inisiatief het ten doel om belangstelling en bewustheid oor plaaslike en Europese rolprente onder plaaslike gehore te kweek, sowel as om samewerking en kommunikasie tussen die EU en plaaslike instellings in die private- en openbare sektore te versterk.
Benewens die rolprentvertonings, bied vanjaar se fees ook ’n videoproduksie-kursus wat vanaf 11 tot 14 Oktober in Keetmanshoop aangebied sal word. Dié slypskool sal fokus op die fundamentele aspekte van verfilming, draaiboekskryf en redigering om uiteindelik kursusgangers met die vaardighede toe te rus om hul eie stories uit hul eie perspektief te kan vertel.
Die Duitse ambassade in Namibië sal die nodige finansiering vir die slypskool verskaf.
“Die Europese Rolprentfees is in lyn met die EU en Namibië se kulturele strategieë, met die doel om kuns en kultuur te ontwikkel en te bevorder en kruiskulturele gesprekke en inklusiwiteit aan te moedig,” het die EU se ambassadeur in Namibië, me. Sinikka Antila, tydens die bekendstelling gesê.
“Kulturele samewerking is ’n belangrike deel van die EU se betrokkenheid by lidlande en ons glo geleenthede soos dié skep ’n wonderlike geleentheid om bymekaar te kom en ’n ervaring te deel waardeur ons verskillende lande, kulture en lewensverhale kan beleef.”
Die fees skop af met die vertoning van die plaaslike Oscar-benoemde kortfilm The Invisibles, gevolg deur die Oekraïense rolprent My Thoughts are Silent.
Hou die rolprentfees se Facebookblad (European Union Film Festival – Namibia) dop om op hoogte van die program te bly. Alle rolprentvertonings begin om 19:00 en kan gratis bygewoon word.
– [email protected]
Kommentaar
Republikein
Geen kommentaar is op hierdie artikel gelaat nie