Geld eerste, dan skool

Kenya Kambowe op Rundu – Armoede in Rundu en veral in die informele nedersettings noodsaak ouers om hul kinders se skoolonderrig te staak en die kinders te dwing om op straat te smous. Met skole wat tans besig is om die tweede semester se eksamens af te handel, is daar oor die afgelope paar maande meer en meer jong kinders op straat gewaar. Jong kinders wat op en af in die hitte met emmers vol tamaties en uie of dosyne eiers loop om te smous, het ’n algemene gesig geword. Hulle is nie eens bang om in ’n sjebien in te gaan om hul produkte te verkoop nie. ’n Paar dae gelede is ’n jong meisie omstreeks 22:00 op straat voorgekeer waar sy probeer het om mango’s te verkoop. Toe sy gevra is hoekom sy nie by die huis is nie, het sy geantwoord sy sal huis toe gaan sodra sy al haar mango’s verkoop het. “Ek moet alles verkoop voordat ek huis toe kan gaan. Ek het by die skool geleer,” het sy gesê. Sy is net een van die talle jong meisies wie se families hulle dwing om produkte op straat te verkoop om geld huis toe te kan neem.Kinders wie se ouers niks het om te verkoop nie, staan voor die winkels en bedel vir geld. Die kinders word genoodsaak om die produkte ongeveer drie tot vyf kilometer van hul huise af te verkoop. Hul lewens word in gevaar gestel wanneer hulle huis toe loop aangesien hulle aan misdaad-elemente blootgestel word. KAPAPERO Sê NEEDie direkteur van onderwys in die Kavango-Oosstreek, Fanuel Kapapero, sê hy sien ook die kinders op straat en bevraagteken die ouers se erns met hul kinders se onderrig. Hy sê dit is hartseer om kinders gedurende eksamentye op straat te sien, veral omdat die regering alles in sy vermoë doen om te verseker dat elke kind gehalte-onderrig ontvang.“Die ouers moet ophou om hul kinders te dwing om produkte op straat te verkoop veral gedurende eksamentye.”“Ons sien hulle op straat. Ek dink ons moet die ouers oplei dat hulle kinders uitgerus moet wees wanneer hulle eksamen skryf. Hulle moet ook tyd kry om voor die eksamen te leer. Die ouers moet hiernatoe kom en hul eie produkte verkoop.”Kapapero voel dit is hoogtyd dat toepassingsagentskappe die gemeenskappe ondersteun om te verseker kinders is by die skool of huis en nie op straat nie. “Ons sê opleiding is verpligtend, maar hier sien jy kinders van so jonk as agt op straat. Niemand gee om nie,” het hy gesê. – republikein@republikein.com.na

Geld eerste, dan skool

Kommentaar

Republikein 2025-09-19

Meld asseblief aan om kommentaar te lewer

Geld eerste, dan skool

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie