Drie Zambezi-besighede slaan groot pryse los

Met sy toewyding tot voedselsekuriteit het Masule Branden Nchindo en sy onderneming, BM Success Investment, die Old Mutual Namibia Foundation se volhoubare ekonomiese bemagtigings-initiatief vir 2024 (OM SEED) se topprys van N$50 000 losgeslaan. “Om die eerste prys te wen is ’n droom wat waar geword het. Hierdie ondersteuning sal BM Success Investment in staat stel om ons bedrywighede uit te brei en meer gemeenskappe met vars produkte en gehalte pluimvee te bereik. Ek is daartoe verbind om ’n blywende impak op ons streek se voedselsekerheid te maak,” het Nchindo gesê. Ludimu Investments se Mercy Kachaka het die tweede prys (N$30 000) gewen met haar onderneming, wat fokus op die vervaardiging van vrugtesap van plaaslike vrugte, en haar restaurant wat plaaslike geure in Katima Mulilo bedien en ’n gesonde leefstyl bevorder. “Hierdie erkenning is ongelooflik lonend. OM SEED het ’n platform verskaf wat Ludimu Investments kan ophef. Ek is opgewonde om voort te gaan om voedsame kos en drank aan te bied wat plaaslik verkry word en die ryk geure van ons streek vier,” het sy gesê. In die derde plek (N$20 000) is Beaven Simasiku Mulijani met die Zambezi Firewood Project, wat hout verkoop en houtskool vervaardig. Die projek takel die streek se behoefte aan volhoubare energiebronne en dra by tot omgewingsbewaring. “Om hierdie toekenning te ontvang is ’n merkwaardige mylpaal for die Zambezi Wood Project. Met OM SEED se ondersteuning sal ons vervaardigingsvermoë verbeter en volhoubare energie-oplossings in ons gemeenskap bevorder,” het Mujilani gesê. Old Mutual se woordvoerder, Mignon du Preez, het by die geleentheid gesê: “Die entrepreneurs van die Zambezistreek simboliseer die veerkragtigheid en kreatiwiteit van ons nasie. Hul reise demonstreer die transformerende potensiaal van inisiatiewe soos OM SEED in die bevordering van ekonomiese groei, innovasie en die bemagtiging van gemeenskappe.” – republikein@republikein.com.na

Drie Zambezi-besighede slaan groot pryse los

Kommentaar

Republikein 2025-06-17

Meld asseblief aan om kommentaar te lewer

Drie Zambezi-besighede slaan groot pryse los

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie