Die Boekrak

Liefde uit die puin deur Naretha Franken vertel die verhaal van twee jong dokters Mia en Dolf, wat drie dae in ’n hysbak vasgekeer is ná ’n ontploffing. Hulle leer mekaar in daardie put van vrees en pyn ken. Nadat hulle gered is, neem Dolf se ouers hom Kanada toe. Mia was nog besig om te herstel toe sy uitvind sy is swanger. Toe hul paaie nege jaar later weer kruis, keer die herinneringe stadig na Mia terug. Maar hoe vertel sy vir haar seuntjie dat sy pa leef? En wat van Dolf, wat nie eens weet hy is ’n pa nie.