Meerderheid sê ja vir pakslae

Ouers kan lyfstraf gebruik om hul kinders te dissiplineer. So sê die meerderheid van Namibiërs in ’n onlangse opname deur Afrobarometer. Meer as die helfte van respondente glo ouers se optrede is geregverdig as hulle ten minste tydens sommige geleenthede lyfstraf as deel van die dissiplinering van hul kinders gebruik. Vier uit tien sê egter dit kan nooit regverdig word nie. Met verwysing na kinderverwaarlosing en -mishandeling, erken vier uit tien inwoners dit kom wydverspreid in hul gemeenskappe voor. Die helfte sê kinders wat veronderstel is om op die skoolbanke te wees, draai eerder gereeld stokkies. Die meerderheid Namibiërs is egter vol vertroue mense in hul onderskeie gemeenskappe kan hulp aan mishandelde of verwaarloosde kinders verseker. Ook is hulp en ondersteuning beskikbaar vir kinders wat met fisieke gestremdhede leef, sowel as kinders wat geestesongesteldhede het. Volgens die opname word die gebruik van lyfstraf effens meer in stede (59%) as op die platteland regverdig. Byna die helfte van die respondente (47%) erken fisieke dissiplinering van kinders kom “baie” in hul onderskeie gemeenskappe voor. Stedelinge is beduidend meer geneig as plattelandse inwoners om te sê volwassenes gebruik gereeld lyfstraf as ’n manier van dissipline. Terwyl 42% van Namibiërs se kindermishandeling en -verwaarlosing kom algemeen in hul gemeenskappe voor, sê nog meer (49%) skoolgaande kinders verkies om eerder stokkies te draai as skool toe te gaan. Die verwaarlosing en mishandeling van kinders en kinders wat in die straat eerder as op die skoolbanke is, kom volgens die opname meer gereeld in stede voor. Dit is ook in stede waar inwoners sê ouers met kinders met gestremdhede het beter toegang tot ondersteuningsdienste as dié op die platteland. Dieselfde geld vir kinders met geestes- en emosionele probleme. – henriette@republikein.com.na

Meerderheid sê ja vir pakslae

Kommentaar

Republikein 2026-09-09

Meld asseblief aan om kommentaar te lewer

Meerderheid sê ja vir pakslae

Kommentaar

Republikein 2026-09-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.