Jong Namibiërs stel hul vaardighede ten toon

Veertien jong Namibiërs het verlede week aan vanjaar se WorldSkills-kompetisie in Lyon, Frankryk, deelgeneem.Dié kompetisie het ten doel om die jeug se vakleerlingskap, professionele opleiding, mobiliteit en hul vaardighede te bevorder en fokus onder meer op megatronika, restaurantdiens, messelwerk, loodgieterswerk en kookkuns.Onder die sowat 1 400 deelnemers was daar 14 Namibiërs – Revello Uirab, Simon Haimbodi, Elizabeth Shikongeni, Morgan Shaumbwa, Herta Kashupi, Vetjiua Zamuee, Dry-Genise Higoam, Wilbard Mbenzi, Upanderapo Kaapehi, Gamenandje Calbia, Undji, Murji, Kalunduka, Murji. Kapa en Simonia Swartbooi.Dit is Namibië se vyfde deelname aan WorldSkills en was ook by die geleentheid in 2015 in São Paulo in Brasilië; Abu Dhabi in die Verenigde Arabiese Emirate (2017), Kazan in Rusland (2019) en het ook deelgeneem aan die spesiale uitgawe in 2022, wat op verskeie plekke oraloor die wêreld plaasgevind het.GOED VOORBEREIDDie minister van hoër onderwys, tegnologie en innovasie, dr. Itah Kandjii-Murangi, het voor die span se vertrek na Frankryk gesê hulle is goed voorbereid en gereed om ’n impak te maak.“Mededingers en kundiges het intensiewe opleiding en ondersteuning ontvang om te verseker dat hulle op hul beste presteer.“Die deelnemers is goed vertroud in terme van die kompetisiereëls, sowel as WorldSkills se etiese kode en gedragsriglyne,” het sy gesê.Kenners is vir elke dissipline saamgestuur om leiding, leierskap en bystand te bied, en sluit Uinii Muhuure, Reinhold Nevonga, Ralf Herrgott, Lukas Helao, Beatha Shinana, Elnestu Shimwefeleni, Valitel Ndemwiimba, Salatiel Shilongo, Kleopas Elifas, Victor Indombo, Donovan Diergaardt, Ebben Kapalie en Neville Urora Uandara in. President Nangolo Mbumba het ook voor die span se vertrek die jong burgers aangemoedig om hul allerbeste as ambassadeurs van Namibië te doen. “Julle deelname is ’n uitstekende geleentheid om op die wêreldtoneel te bewys dat Namibië vorder en dat ons sterk vordering maak met die bou van ’n nasionale vaardigheidstelsel wat met die bestes in die wêreld kan meeding.”VERRIGTINGEDie 47ste uitgawe van dié wêreldkompetisie het verlede Dinsdag amptelik afgeskop en die eerste items op die program het die volgende dag plaasgevind.Die president van Frankryk, Emmanuel Macron, het die kompetisie Dinsdagaand amptelik geopen.Deelnemers het dieselfde dag ook plaaslike skole in Frankryk besoek as deel van die projek “Een skool, een land”.Die Worldskills-konferensie het Woensdag afgeskop, met besprekings oor hoe om ambagsvaardighede boaan die wêreldagenda te plaas.Vanjaar se verrigtinge is die afgelope naweek afgesluit met die kompetisie wat Saterdag geëindig het en die afsluitingseremonie wat gister plaasgevind het.– augetto@nmh-hub.com.na

Jong Namibiërs stel hul vaardighede ten toon

Kommentaar

Republikein 2026-02-03

Meld asseblief aan om kommentaar te lewer

Jong Namibiërs stel hul vaardighede ten toon

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.