Jeugraad word glo gemanipuleer

Die jeugvleuel van die Landless People’s Movement (LPM) het ’n striemende aanval op Swapo se jeugliga (Spyl) van stapel gestuur en die jeugliga daarvan beskuldig dat hy demokratiese prosesse binne die Nasionale Jeugraad (NYC) saboteer. Die LPM het Spyl se beweerde optrede beskryf as ’n blatante skending van demokrasie en ’n poging om opposisiestemme te onderdruk.Die oproer volg op chaotiese tonele by Groot Aub se verkiesings in die Windhoek- landelike kiesafdeling waar Spyl na bewering verrigtinge ontwrig het deur ondersteuners met busse aan te ry.In die Oshanastreek word Spyl daarvan beskuldig dat hy verkiesings belemmer het om opposisieverteenwoordiging te stuit.“Dis nie ’n demokrasie nie, dis ’n diktatorskap,” het die verteenwoordiger van die LPM se jeugvleuel, William Minnie, gesê en Spyl daarvan beskuldig dat hulle onderduimse taktiek gebruik om beheer oor die NYC te behou.Die groep beweer die jeugliga se optrede ondermyn die wet op die nasionale jeugraad wat fokus op inklusiwiteit en regverdige verteenwoordiging uit al Namibië se streke.Minnie het aangedring op die onmiddellike beëindiging van die jeugliga se beweerde inmenging in die raad se verkiesings en om diegene aanspreeklik te hou wat verantwoordelik was vir die ineenstorting van Groot Aub se verkiesings. Hy doen ook ’n beroep op deursigtigheid in die verkiesings in Oshana om regverdige verteenwoordiging te verseker, asook dat artikel 40 van die wet wat fokus op inklusiwiteit en onpartydige verteenwoordiging afgedwing word.Die LPM het ook ’n beroep op die Namibiese jeug gedoen om sterk te staan teen wat hulle beskryf as Spyl se “verouderde en onderdrukkende agenda”.Die party se jeugvleuel het ook belowe om Spyl se beweerde invloed oor die nasionale jeugraad uit te daag en sy onafhanklikheid te herstel as ’n platform vir alle Namibiese jeug, ongeag hul politieke oortuigings.“Die jongmense van Namibië verdien ’n raad wat hul stemme weerspieël – nie een wat deur politieke makkers gekaap is nie,” het Minnie gesê en die behoefte aan eenheid en veerkragtigheid beklemtoon in die aangesig van beweerde tirannie. Spyl se nasionale woordvoerder, Moses Shikerete, het in ’n onderhoud met Network Media Hub (NMH) gesê as die jeugliga van die regerende party beweeg hy nie buite die voorgeskrewe wetlike raamwerk nie.“In die laaste paar jaar het ons die aanvalle en pogings gesien om Spyl se reputasie te skaad deur diegene sonder enige kennis van hoe die party gelei word.“Ons is ten volle bewus van hierdie pogings om die leierskap van die jeugliga by konferensies te systap en ’n stelsel te skep wat ’n vloedgolf van organisasies geskep het waarvan nie een by die jeugraad geaffilieer is nie,” het Shikerete gesê.Volgens hom bevraagteken Spyl die registrasieproses wat deur die herstruktureringskomitee ingestel is en deur die raad aanvaar is.“Ons het aan die raad geskryf om dit te bevraagteken, in ’n poging om chaos tydens die proses te vermy.”Shikerete sê die jeugliga sal nie toelaat dat die instelling tydens hul bewind in duie stort nie.“Spyl wil dit duidelik aan die LPM-dromers maak wat verteer word deur mag; ons is daartoe verbind om te sorg dat dit ’n kredietwaardige proses volgens die regte prosedures is. #namibiadecides2024– republikein@republikein.com.na

Jeugraad word glo gemanipuleer

Kommentaar

Republikein 2025-11-03

Meld asseblief aan om kommentaar te lewer

Jeugraad word glo gemanipuleer

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.