Internasionale verhoog wag op plaaslike talent

Nuusredaksie – Talent Namibia word jaarliks aangebied en bied ’n platform vir alle vorme van kreatiewe uitdrukking om aan ’n paneel beoordelaars ten toon te stel.Vanjaar se kompetisie het op 29 en 30 November by die Wanderers-sportklub in Windhoek plaasgevind en deelnemers het 54 hoë goue medaljes (90% en hoër) en 196 goue medaljes (tussen 80% en 89%) gewen, met meer as 40 deelnemers wat vir beide Show Your Talent South Africa en Talent America vir volgende jaar in New York gekwalifiseer het.Die direkteur van Talent Namibia, Luzaan Blaauw, sê dat daar vanjaar 65 deelnemers ingeskryf het met meer as 290 optredes.“Ons het vanjaar talle inskrywings gehad en dit was werklik wonderlik om al die godgegewe talent in Namibië te sien,” sê Blaauw.Vanjaar het vier kunstenaars aan Talent America deelgeneem en ’n aantal trofeë en medaljes ontvang. Namibië het met hul optrede vanjaar in New York die titel van “Beste Vermaaklikheidster van die Jaar” by dié kompetisie losgeslaan.Een van die beoordelaars vir Talent Namibia en regisseur van Show Your Talent South Africa, Juanita Oosthuizen, sê met die talent wat sy die afgelope naweek aanskou het, twyfel sy nie dat Namibië weer die toekenning vir beste vermaaklikheidster gaan wen nie.“Daar is buitengewone talent in Namibië, nie gewone talent nie, buitengewone talent! Namibië het vanjaar die vermaaklikheidster van die jaar-toekenning gewen en ek dink hulle kan dit volgende jaar weer doen,” sê Oosthuizen.Sy was nie net ’n beoordelaar by Talent Namibia nie, maar ook ’n talentsoeker vir New York se modeweek en is aangewys om vier modelle te identifiseer. Sy het egter deur ’n verrassende wending ook ’n “wild card” gekies. Die vyf modelle wat haar oog gevang het, is Meané Jacobs, Armoné Breitenbach, Anri Brynard, Maike Steidler en, die wilde card, Ruan Potgieter, is gekies om volgende jaar in Februarie aan die New York-modeweek deel te neem.“Die seremoniemeester het aanhou herhaal dat net vier modelle gekies is, en het toe skielik 'n ‘wild card’ met my naam aangekondig. Ek was absoluut verstom!" het Ruan ná die aankondiging gesê. – republikein@republikein.com.naGRYS BLOKAlgehele wenners in verskeie kategorieë:Toneelspel – Luca Coffee Modelwerk – Lilibeth BazuinDans – Uzziel Borzei Sang – Aneeka Gird Eisteddfod – Annri HattinghFoto-modelwerk – Lilibeth Bazuin Instrumentaal – Jo-Ann StraussVisuele kunste – Kula Rodrigues Algehele Groepe – UCDC Algehele Trio – LG DANS TRIO GROEP Algehele Duet – KATSVARA DAMES Drievoudige bedreigingswenner (threat winner) - Lilibeth Bazuin Algehele Diamond-toekenning (hoogste punt, 96%) – Aneeka Gird Wenner van die Onderwyserstoekenning – Jo-Ann Strauss

Internasionale verhoog wag op plaaslike talent

Kommentaar

Republikein 2025-04-30

Meld asseblief aan om kommentaar te lewer

Internasionale verhoog wag op plaaslike talent

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie