Namibië vier saam Statebondsdag

Namibië vier vandag saam met die ander 55 Statebond-lande die Statebondsdag met kulturele geleenthede, skoolaktiwiteite en geloofsgebaseerde dienste.Hierdie dag word vanjaar onder die tema ‘Unlocking opportunities together for a prosperous Commonwealth’ aangebied en het ten doel om aandag te vestig op hoe lande en gemeenskappe hul kragte kan saamsnoer ten bate van mense se lewensgehalte deur onder meer voordelige werk te skep en toegang tot onderrig van ’n hoë gehalte uit te brei. In sy boodskap vir Statebondsdag het Koning Charles III, die hoof van die Statebond, gesê: “Ons verenig ons op hierdie Statebondsdag in 'n tyd van groot uitdagings en groot moontlikhede. Regoor ons wêreld staar gemeenskappe en lande die toenemende druk van konflik, klimaatsverandering en vinnige transformasie in die gesig. Tog is dit dikwels in sulke toetsende oomblikke dat die blywende gees van die Statebond die duidelikste geopenbaar word.”DIASPORAVerskeie lande sal hierdie dag op verskeie maniere herdenk. In Antigua en Barbuda sal kulturele optredes en kinderkore die dag herdenk terwyl verskeie rade regoor die Verenigde Koningkryk (VK) vlaghys-seremonies sal hou. In Tonga sal skoolkinders byeen kom vir spesiale voorlesings en in die Maldive sal ’n veldtog in die sosiale media die kollig plaas op vroue se rol in ontwikkeling. By Westminster Abbey in Londen sal die koning en lede van die VK se koningklike familie saam met die sekretaris-generaal van die Statebond, Shirley Botchwey; leiers; ministers van buitelandse sake vir die Statebond en hoogwaardigheidsbekleërs ’n tradisionele diens van verskeie gelowe bywoon. In haar eerste Statebondsdag-boodskap het Botchwey, gesê: “Statebondsdag is beide 'n viering en 'n belofte. Ek hoop dat elkeen van ons op hierdie Statebondsdag kan deelneem aan 'n viering van blywende bande oor oseane en generasies heen en ons belofte hernu dat ons – ten spyte van die onsekerheid van ons tyd – samewerking bo verdeeldheid, gesprek bo onenigheid en vennootskap bo isolasie kies.”Ongeveer ’n derde van die wêreld se bevolking val onder die Statebond. – republikein@republikein.com.na

Namibië vier saam Statebondsdag

Kommentaar

Republikein 2026-06-18

Meld asseblief aan om kommentaar te lewer

Namibië vier saam Statebondsdag

Kommentaar

Republikein 2026-06-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.