Visums nou ’n vereiste vir besoeke aan VK

Elizabeth Joseph – Namibië oorweeg wederkerige maatreëls vir burgers van die Verenigde Koninkryk (VK) wat die land besoek na Woensdag se aankondiging dat Namibiërs voortaan visums gaan nodig hê om Brittanje te besoek.Hooggeplaaste bronne in die regering het aan ons susterkoerant Namibian Sun gesê dat die kabinet die moontlikheid oorweeg om ook weer visumvereistes vir Britse burgers in te stel.Die ministerie van internasionale betrekkinge en samewerking het Woensdag in ’n verklaring gesê die kabinet beraadslaag oor die VK se besluit om “ten einde te verseker dat Namibiese burgers nie benadeel word nie”.“Die ministerie maak hiermee bekend dat die kabinet ’n komitee saamgestel het om hierdie kwessie te ondersoek,” het die uitvoerende direkteur, Penda Naanda, gesê.Volgens die Britse hoë kommissaris in Namibië, Charles Moore, kan die besluit om visumbeheer te implementeer, toegeskryf word aan die volgehoue en beduidende toename in die aantal asielsaansoeke deur Namibiërs by die Britse grens sedert 2016Dit dui glo op die misbruik van die voorsiening wat vir Namibiërs gemaak is om Brittanje vir ’n beperkte tydperk sonder ’n visum te besoek.Tussen Desember verlede jaar en Februarie vanjaar het Brittanje meer as 230 Namibiërs gedeporteer. Dié syfer het na bewering tot ’n verbysterende 1 200 gestyg in die daaropvolgende maande. Die wysiging, wat onmiddellik van krag is, is van toepassing op alle Namibiërs wat na Brittanje reis, het die Britse hoëkommissariaat in ’n verklaring gesê.Vroeër vanjaar het die ministerie van internasionale betrekkinge en samewerking gesê teen Februarie is 90% van Namibiese asielsoekers se aansoeke afgekeur.OORGANGSTYDPERKVolgens Moore sal daar ’n oorgangstydperk van vier weke wees wat onmiddellik begin en op 16 Augustus vanjaar om 15:00 sal eindig.“Gedurende hierdie tydperk sal Namibiërs met bevestigde kaartjies wat reeds voor 19 Julie 2023 bespreek is, steeds toegelaat word om na die Verenigde Koninkryk (VK) te reis sonder ’n visum,” lui die verklaring.Moore het tydens die aankondiging gesê hoewel dit vir baie Namibiërs ’n kommerwekkende verwikkeling sal wees, is dit nodig.Namibiese besoekers wat reeds in die VK is, sal nie deur hierdie veranderinge geraak word nie, maar sodra hulle die VK verlaat, sal hulle ’n besoekersvisum nodig hê om die land weer in die toekoms te besoek, het Moore bygevoeg.“Die Britse regering beoog om aansoeke binne 15 Britse werksdae na ontvangs van die paspoort en biometriese inligting te verwerk. Aansoekers kan tot drie maande voor die beplande reis ingedien word,” het Moore gesê en bygevoeg meer besonderhede oor visumkostes is aanlyn by www.gov.uk beskikbaar. NAMIBIë NIE ’N UITSONDERINGVolgens Moore sal dié veranderinge Namibië in lyn bring met baie ander lande wat met visums moet reis, insluitend baie Statebondlande, met wie die VK bande het.“Visums bied toegang tot die VK terwyl dit help om die grens te beveilig. Die Britse regering het die kapasiteit van die sentrum vir visumaansoeke in Windhoek vergroot om die verwerking van aansoeke vir besoekersvisums in Namibië te akkommodeer,” het hy gesê.‘DIT IS WAT DIT IS’ Die Namibies-gebore Britse burger, Petrus Undari, het gister aan Namibian Sun gesê die besluit moet aanvaar word vir wat dit is en Namibiërs moet hulself nou beter voorberei wanneer hulle na die VK reis.“Ons het hierdie situasie fyn dopgehou en dit is geen verrassing dat die VK tot hierdie gevolgtrekking gekom het nie. Ons het dit sien kom nadat die VK in die verlede tydelike visumvereistes ingestel het,” het Undari gesê.Hy het bygevoeg hoewel sommige Namibiërs ontevrede kan wees oor dié besluit, hoop hy die proses vir visumaansoeke sal maklik wees.“Ons hoop dat die VK en Namibië een of ander bilaterale ooreenkoms sal hê waar mense nie sal sukkel as dit by visumaansoeke kom nie. Dit is ’n manifestasie van wat besig was om in die agtergrond te gebeur. Ons moet dit net van hier af vat en kyk hoe ons ons mense kan adviseer rakende die reisproses. Dit is wat dit is,” het hy gesê oor die groeiende aantal Namibiërs wat asiel in die VK soek. – republikein@republikein.com.na

Visums nou ’n vereiste vir besoeke aan VK

Kommentaar

Republikein 2026-02-05

Meld asseblief aan om kommentaar te lewer

Visums nou ’n vereiste vir besoeke aan VK

Kommentaar

Republikein 2026-02-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.