Repatriasie begin vir vier gestrandes in Mianmar
Web van mensehandel
Voorheen bekend as Birma, het die land in Suidoos-Asië veral sedert 2021 'n teelaarde vir georganiseerde misdaad geword nadat die weermag 'n staatsgreep uitgevoer het.
Die regering het die repatriasieproses van vier Namibiërs begin wat in Mianmar gestrand was nadat hulle na die land in Suidoos-Asië gereis het ná beloftes van winsgewende werk, net om later te ontdek dat hulle in ’n web van mensehandel vasgevang is.
Die ministerie van internasionale betrekkinge en handel het dit gister in ‘n mediaverklaring bevestig en bygevoeg dat 24 Namibiese burgers geïdentifiseer is as diegene wat in hierdie omstandighede vasgevang is.
“Verlede jaar het die Internasionale Organisasie vir Migrasie (IOM) die terugkeer van sewe Namibiese burgers wat in Mianmar gestrand was, suksesvol gefasiliteer,” lui die verklaring.
Die jongste groep van jongmense het familielede in Namibië gekontak, wat daarna die Namibiese hoëkommissariaat in Kuala Lumpur, Maleisië, in kennis gestel het.
"Die Namibiese regering erken die erge nood en angs wat die families van die betrokke persone in die gesig staar en wil hulle gerusstel dat elke beskikbare diplomatieke en humanitêre weg gevolg word," lui die verklaring.
Die ministerie het Namibiërs verder gewaarsku om versigtig te wees wanneer hulle aansoek doen vir oënskynlik luukse aanlyn werksaanbiedinge in die buiteland en benadruk dat baie sulke geleenthede bedrieglik blyk te wees en gekoppel is aan mensehandelnetwerke.
Mianmar, voorheen bekend as Birma, het na bewering veral sedert 2021 'n teelaarde vir georganiseerde misdaad geword nadat die weermag 'n staatsgreep uitgevoer het.
Dié militêre en oorloggeteisterde land wat aan Thailand en China grens, was vroeër verlede jaar in die nuus in die buurland nadat 26 Suid-Afrikaanse burgers, onderskeidelik in Maart en April 2025, in 'n grootskaalse reddingspoging deur die Suid-Afrikaanse regering gered en gerepatrieer is.
Tot 200 Suid-Afrikaners was op ’n stadium in Mianmar by ’n kubermisdaadsentrum in een van die land se mees berugte kampe of swendelsentrum, bekend as KK Park, vasgevang.
Emma van der Walt, stigter van ’n organisasie sonder winsbejag, Brave to Love, sê sulke slentersentrums is nie nuut nie.
"Dit kom nie net in Mianmar voor nie - dié sentrum het trouens daarheen geskuif nadat dit in Namibië blootgelê is. Daar is nog sulke sentrums in Dubai, Kambodja, moontlik selfs in Suid-Afrika," het Van der Walt verlede jaar aan Suid-Afrikaanse media gesê.
– [email protected]
Die ministerie van internasionale betrekkinge en handel het dit gister in ‘n mediaverklaring bevestig en bygevoeg dat 24 Namibiese burgers geïdentifiseer is as diegene wat in hierdie omstandighede vasgevang is.
“Verlede jaar het die Internasionale Organisasie vir Migrasie (IOM) die terugkeer van sewe Namibiese burgers wat in Mianmar gestrand was, suksesvol gefasiliteer,” lui die verklaring.
Die jongste groep van jongmense het familielede in Namibië gekontak, wat daarna die Namibiese hoëkommissariaat in Kuala Lumpur, Maleisië, in kennis gestel het.
"Die Namibiese regering erken die erge nood en angs wat die families van die betrokke persone in die gesig staar en wil hulle gerusstel dat elke beskikbare diplomatieke en humanitêre weg gevolg word," lui die verklaring.
Die ministerie het Namibiërs verder gewaarsku om versigtig te wees wanneer hulle aansoek doen vir oënskynlik luukse aanlyn werksaanbiedinge in die buiteland en benadruk dat baie sulke geleenthede bedrieglik blyk te wees en gekoppel is aan mensehandelnetwerke.
Mianmar, voorheen bekend as Birma, het na bewering veral sedert 2021 'n teelaarde vir georganiseerde misdaad geword nadat die weermag 'n staatsgreep uitgevoer het.
Dié militêre en oorloggeteisterde land wat aan Thailand en China grens, was vroeër verlede jaar in die nuus in die buurland nadat 26 Suid-Afrikaanse burgers, onderskeidelik in Maart en April 2025, in 'n grootskaalse reddingspoging deur die Suid-Afrikaanse regering gered en gerepatrieer is.
Tot 200 Suid-Afrikaners was op ’n stadium in Mianmar by ’n kubermisdaadsentrum in een van die land se mees berugte kampe of swendelsentrum, bekend as KK Park, vasgevang.
Emma van der Walt, stigter van ’n organisasie sonder winsbejag, Brave to Love, sê sulke slentersentrums is nie nuut nie.
"Dit kom nie net in Mianmar voor nie - dié sentrum het trouens daarheen geskuif nadat dit in Namibië blootgelê is. Daar is nog sulke sentrums in Dubai, Kambodja, moontlik selfs in Suid-Afrika," het Van der Walt verlede jaar aan Suid-Afrikaanse media gesê.
– [email protected]
Kommentaar
Republikein
Geen kommentaar is op hierdie artikel gelaat nie