Namibiërs stuur mediese voorrade na Kuba

Die ambassadeur van Kuba in Namibië, Sergio Vigoa de la Uz, het verlede Donderdag Namibiërs bedank vir ’n besending mediese voorrade, wat binnekort na sy dié eiland verskeep sal word.Die mediese voorrade sal sodra dit daar aankom, die Kubaanse gesondheidsorgtelsel help om nog twee tot drie maande voorrad te hê, het hy gesê.Kuba verduur ’n verergerde ekonomiese embargo, energiesanksies, asook ’n vlootblokkade wat deur die Verenigde State van Amerika (VSA) opgelê is.Ook teenwoordig by die geleentheid was Cecilia Muzile, sekretaris-generaal van die Namibië-Kuba Vriendskapsvereniging. Sy het bevestig dat ’n skeepsmaatskappy die vereniging verseker het dat die vraghouer Sondag of daarna, Namibiese waters sou verlaat.Die voorrade kom uit ’n Namibië-Kuba solidariteitsveldtog wat deur die vereniging in samewerking met die Sam Nujoma-stigting, gedryf word.Die ambassadeur het bevestig twee ton weggooibare mediese voorrade wat meer as 70 verskillende items insluit, word in Kuba benodig.Afgesien van nodige voorrade, staar hospitale in Kuba kragonderbrekings en tekorte in die gesig wat veroorsaak word deur die Amerikaanse embargo op oliehandel met Kuba.“Dit is ’n stille volksmoord. Mense sterf as gevolg daarvan,” het Vigoa de la Uz die impak op Kubaanse lewens beskryf. ’n Enkele Kubaanse huishouding kan tot 20 uur per dag sonder elektrisiteit ervaar, vervoerontwrigtings hou 30% van leerlinge uit die skool, 100 000 mense wag op chirurgie, waarvan 12 000 kinders is, 2 888 mense benodig bestendige elektrisiteitsvoorsiening om dialise te ondergaan, het hy gesê.Babasterftes het versleg van vier per 1000 in 2018, tot 9,9 per 1 000 verlede jaar, volgens die ambassadeur.“Ons kan nie landbouprodukte koud hou nie. Ons is terug by die gebruik van ploegdiere. Ons kan nie onderdele koop om die waterpompe reg te maak nie. Gemeenskappe kan tien dae sonder water wees,” het hy verduidelik.Deur die uitvoerende bevel 14404 het die Amerikaanse president, Donald Trump, op 1 Mei 2026 Kuba as “’n ongewone en buitengewone bedreiging vir Amerikaanse nasionale veiligheid” benoem, bates gevries en beperkings geplaas op enige entiteit wat aan Kubaanse energie, mynbou, finansies, sekuriteit of verdediging werk.“Dit magtig eweneens sanksies teen dié wat finansiële, materiële, tegnologiese of logistieke ondersteuning aan die Kubaanse regering of staat verskaf het,” lui ’n amptelike Kubaanse impakbeoordelingsverslag.“Daar is meer as 6 000 vraghouers wat deur die hele Karibiese gebied versprei is, omdat skeepsmaatskappye nie toegelaat word om na Kuba te verskeep nie. Daar is geen brandstof om die vliegtuie te hervul nie,” volgens die ambassadeur. Hy het verduidelik dat Kuba ’n al hoe meer geïsoleerde eiland is. “Geen skepe doen aan nie, daar land geen vliegtuie nie,” het hy gesê.Met meer as 2,5 miljoen Kubane wat in die VSA woon, laat die verbod op oorbetalings en die beperking op Kubaanse gebruik van die Swift-bankstelsel Kuba afgesny. “Hulle het die druk op die bankinstellings verhoog. Die meeste Kubaanse ambassades in Afrika moet met kontant werk soos seerowers met sakke geld, omdat ons vir die laaste twee tot drie maande nie Visa of Mastercard in Kuba kan gebruik nie,” het hy gesê.“Hulle probeer die bevolking en die ekonomie verwurg om mense teen die regering te laat opstaan,” het hy gesê.Kuba voer aan dat die uitwerking op derde partye internasionale reg en Kubaanse soewereiniteit skend. “Amerika voer kollektiewe straf deur kollaterale sanksies, vlootblokkade en energiebeleg uit,” het Vigoa de la Uz gesê.Vir elk van die afgelope 33 jaar het Kuba ’n resolusie na die Verenigde Nasies (VN) se Algemene Vergadering gebring, met die eis dat die Amerikaanse sanksies opgehef word. Elke jaar sedert 1992 het die nasies van die wêreld oorweldigend ten gunste van die resolusie gestem. Môre sal VN-lede weer stem.– augetto@nmh-hub.com.na

Namibiërs stuur mediese voorrade na Kuba

Kommentaar

Republikein 2026-10-28

Meld asseblief aan om kommentaar te lewer

Namibiërs stuur mediese voorrade na Kuba

Kommentaar

Republikein 2026-10-28

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.