Namibiese dwelmmuil in SA gevonnis
’n Jong Namibiese dwelmmuil is in ’n Suid-Afrikaanse hof tot agt jaar gevangenisstraf gevonnis, het die Suid-Afrikaanse Polisiediens (SAPD) bevestig.
Die 30-jarige Pauline Mbangula is effektief tot agt jaar tronkstraf vir dwelmhandel in die Kempton Park-landdroshof in Gauteng gevonnis, waarvan drie jaar opgeskort is.
Dit volg nadat die SAPD haar op 22 September 2024 in hegtenis geneem het kort nadat sy van die Brasiliaanse hoofstad, São Paulo, by die O.R. Tambo Internasionale Lughawe (ORTIA) geland het.
“Daar is destyds bevind dat sy ten minste 68 sakkies gevul met kokaïen ingesluk het.
“’n Mediese ondersoek en X-strale by ’n hospitaal het die dwelms in haar maag bevestig. Sy is later gedwing om die dwelms uit te skei,” het die woordvoerder van die SAPD, brigadier Athlenda Mathe, in ’n verklaring gesê.
“Ten tyde van Mbangula se inhegtenisneming het sy beweer ’n man wat sy onlangs ontmoet het, het haar na Brasilië geneem onder valse voorwendsels dat hulle met vakansie sou gaan.
“Met haar aankoms in Brasilië is sy toe na bewering gedwing om die dwelms in te sluk en dit na Suid-Afrika te smokkel, het Mathe gesê.
Volgens die SAPD is meer as 22 dwelmmuile die afgelope jaar by die O.R. Tambo Internasionale Lughawe in hegtenis geneem.
“Die gereelde arrestasies van dwelmmuile by ORTIA behoort ’n streng waarskuwing te stuur dat die polisie in SA en veral by hierdie lughawe altyd op hoë gereedheidsgrondslag is om misdaad vas te vat.”
Die SAPD waarsku ook jong vroue om nie slagoffers te word van dwelmsmokkelary-sindikate nie, aangesien dit ernstige gevolge het.
Intussen het die Namibiese polisie (Nampol) volgens hul maandelikse dwelmverslag in Junie beslag gelê op 696 087,88 kg dagga, asook op 331 Mandrax-tablette en 7,2 gram kokaïen. Die polisie het ook 128 eenhede crack-kokaïen en 14 strooitjies tik gekonfiskeer.
Nampol se woordvoerder, adj.komm. Kauna Shikwambi. het aan Network Media Hub (NMH) bevestig dat die groot hoeveelheid dagga van 696 087,88 kg inderdaad verlede maand gevind is.
– [email protected]
Die 30-jarige Pauline Mbangula is effektief tot agt jaar tronkstraf vir dwelmhandel in die Kempton Park-landdroshof in Gauteng gevonnis, waarvan drie jaar opgeskort is.
Dit volg nadat die SAPD haar op 22 September 2024 in hegtenis geneem het kort nadat sy van die Brasiliaanse hoofstad, São Paulo, by die O.R. Tambo Internasionale Lughawe (ORTIA) geland het.
“Daar is destyds bevind dat sy ten minste 68 sakkies gevul met kokaïen ingesluk het.
“’n Mediese ondersoek en X-strale by ’n hospitaal het die dwelms in haar maag bevestig. Sy is later gedwing om die dwelms uit te skei,” het die woordvoerder van die SAPD, brigadier Athlenda Mathe, in ’n verklaring gesê.
“Ten tyde van Mbangula se inhegtenisneming het sy beweer ’n man wat sy onlangs ontmoet het, het haar na Brasilië geneem onder valse voorwendsels dat hulle met vakansie sou gaan.
“Met haar aankoms in Brasilië is sy toe na bewering gedwing om die dwelms in te sluk en dit na Suid-Afrika te smokkel, het Mathe gesê.
Volgens die SAPD is meer as 22 dwelmmuile die afgelope jaar by die O.R. Tambo Internasionale Lughawe in hegtenis geneem.
“Die gereelde arrestasies van dwelmmuile by ORTIA behoort ’n streng waarskuwing te stuur dat die polisie in SA en veral by hierdie lughawe altyd op hoë gereedheidsgrondslag is om misdaad vas te vat.”
Die SAPD waarsku ook jong vroue om nie slagoffers te word van dwelmsmokkelary-sindikate nie, aangesien dit ernstige gevolge het.
Intussen het die Namibiese polisie (Nampol) volgens hul maandelikse dwelmverslag in Junie beslag gelê op 696 087,88 kg dagga, asook op 331 Mandrax-tablette en 7,2 gram kokaïen. Die polisie het ook 128 eenhede crack-kokaïen en 14 strooitjies tik gekonfiskeer.
Nampol se woordvoerder, adj.komm. Kauna Shikwambi. het aan Network Media Hub (NMH) bevestig dat die groot hoeveelheid dagga van 696 087,88 kg inderdaad verlede maand gevind is.
– [email protected]
Kommentaar
Republikein
Geen kommentaar is op hierdie artikel gelaat nie