Namibia staan bankvas agter Venezuela, Kuba

Eerste Minister Elijah Ngurare het Namibië se solidariteit met langdurige vennote Venezuela en Kuba herbevestig en gesê die land sal nie om verskoning vra vir dié standvastige vriendskapsbande nie, ten spyte van toenemende geopolitieke spanning na die beweerde ontvoering van die Venezolaanse president Nicolás Maduro en sy vrou, Cilia Flores, deur Amerikaanse magte. Ngurare het gister namens president Netumbo Nandi-Ndaitwah ’n boek van medelye by die Venezolaanse ambassade in Windhoek onderteken. Die gebaar is ter ere van die slagoffers van die Amerikaanse militêre operasie op 3 Januarie – 'n stap wat wyd veroordeel word deur Venezolaanse, Kubaanse en 'n aantal Afrika- en wêreldstemme as 'n skending van soewereiniteit en internasionale reg. Foto Elizabeth Kheibes