Lande vergader oor maatreëls teen Israel
Den Haagse groep gevorm
Namibië was die afgelope naweek deel van besprekings om maatreëls vas te stel om Israel aanspreeklik te hou vir sy oortredings in Gasa.
“Ons kan nie en moet nie selektief wees oor die beskerming van mense se lewens nie. Ongeag wie die slagoffers is, alle lewens maak saak. Palestynse lewens maak saak.”
Só het die minister van justisie, Yvonne Dausab, gesê in verband met ’n geleentheid in Den Haag wat sy die afgelope naweek bygewoon het.
Namibië is een van nege lande wat Vrydag vergader het om maatreëls teen Israel se oortredings van internasionale reg te koördineer.
Daar is tydens die vergadering bespreek hoe om te reageer op dreigemente teen die Internasionale Strafhof en die verdediging van Palestynse regte.
“Ná die vergadering word verwag dat hierdie lande die Den Haagse Groep sal vorm en gekoördineerde wetlike, ekonomiese en diplomatieke maatreëls sal aankondig om Israel aanspreeklik te hou vir sy oortredings van internasionale reg, insluitend sy voortgesette optrede in Gasa,” lui ’n verklaring wat Namibië se ministerie van justisie aan mediahuise gestuur het.
Die vergadering tussen staatsverteenwoordigers van Belize, Bolivia, Chili, Colombia, Honduras, Maleisië, Namibië, Senegal en Suid-Afrika – en byeengeroep deur die Progressive International – sal gesamentlike optrede op beide nasionale en internasionale vlakke ondersoek om internasionale reg en Palestynse regte te ondersteun tydens die voortdurende krisis.
“Die wêreld kan nie staan en toekyk nadat ons meer as 75 jaar gelede ’n verbintenis gemaak het dat die wêreld nooit weer onder gruweldade sal ly nie,” het Dausab gesê.
KRITIEK
Die Progressive International wys in ’n verklaring daarop dat hierdie vergadering, en die verwagte aankondiging van gekoördineerde maatreëls, op ’n kritieke tydstip kom, aangesien internasionale reg ongekende spanning in die gesig staar.
“Israel se oortredings in Gasa is straffeloos begroet, moontlik gemaak deur diplomatieke en militêre ondersteuning van magtige bondgenote.
“Om hierdie krisis te vererger, het die Verenigde State onder president Donald Trump sanksies teen die Internasionale Strafhof ingestel, wat die einste instellings ondermyn wat ontwerp is om geregtigheid en aanspreeklikheid te handhaaf,” lui die verklaring.
Die Den Haagse Groep poog glo om die stelsels wat oortredings van internasionale reg moontlik maak, te ontwrig en oortreders aanspreeklik te hou.
– [email protected]
Só het die minister van justisie, Yvonne Dausab, gesê in verband met ’n geleentheid in Den Haag wat sy die afgelope naweek bygewoon het.
Namibië is een van nege lande wat Vrydag vergader het om maatreëls teen Israel se oortredings van internasionale reg te koördineer.
Daar is tydens die vergadering bespreek hoe om te reageer op dreigemente teen die Internasionale Strafhof en die verdediging van Palestynse regte.
“Ná die vergadering word verwag dat hierdie lande die Den Haagse Groep sal vorm en gekoördineerde wetlike, ekonomiese en diplomatieke maatreëls sal aankondig om Israel aanspreeklik te hou vir sy oortredings van internasionale reg, insluitend sy voortgesette optrede in Gasa,” lui ’n verklaring wat Namibië se ministerie van justisie aan mediahuise gestuur het.
Die vergadering tussen staatsverteenwoordigers van Belize, Bolivia, Chili, Colombia, Honduras, Maleisië, Namibië, Senegal en Suid-Afrika – en byeengeroep deur die Progressive International – sal gesamentlike optrede op beide nasionale en internasionale vlakke ondersoek om internasionale reg en Palestynse regte te ondersteun tydens die voortdurende krisis.
“Die wêreld kan nie staan en toekyk nadat ons meer as 75 jaar gelede ’n verbintenis gemaak het dat die wêreld nooit weer onder gruweldade sal ly nie,” het Dausab gesê.
KRITIEK
Die Progressive International wys in ’n verklaring daarop dat hierdie vergadering, en die verwagte aankondiging van gekoördineerde maatreëls, op ’n kritieke tydstip kom, aangesien internasionale reg ongekende spanning in die gesig staar.
“Israel se oortredings in Gasa is straffeloos begroet, moontlik gemaak deur diplomatieke en militêre ondersteuning van magtige bondgenote.
“Om hierdie krisis te vererger, het die Verenigde State onder president Donald Trump sanksies teen die Internasionale Strafhof ingestel, wat die einste instellings ondermyn wat ontwerp is om geregtigheid en aanspreeklikheid te handhaaf,” lui die verklaring.
Die Den Haagse Groep poog glo om die stelsels wat oortredings van internasionale reg moontlik maak, te ontwrig en oortreders aanspreeklik te hou.
– [email protected]
Kommentaar
Republikein
Geen kommentaar is op hierdie artikel gelaat nie