Iran hou glo al groter bedreiging vir Brittanje in

Iran hou 'n beduidende bedreiging vir Brittanje in, sê Britse wetgewers nadat ’n nuwe verslag daaroor uitgereik is. Die Britse parlement se komitee vir intelligensie en veiligheid sê die bedreiging deur Iran wissel van fisieke aanvalle en moontlike sluipmoorde op andersdenkendes en Joodse teikens, tot spioenasie, kuberaanvalle en 'n poging om kernwapens te ontwikkel. Hoewel Iran nie so ’n groot bedreiging soos Rusland of China inhou nie, neem dit luidens die verslag toe. Dit bevind ook die Britse regering is nie heeltemal daarop voorbereid nie. Foto Getty Images