Ghanese afvaardiging vra vir grenslose Afrika
\'Hoekom sou jy vrees dat jou broer jou besoek?\'
Die voormalige parlementslid van Ghana, Ras Mubarak, het onlangs met ’n afvaardiging van agt mense in Windhoek gearriveer om ’n brief aan Namibiese beleidsmakers te oorhandig waarin hy vra vir ’n visumvrye Afrika.
Mubarak voer aan dat handel binne Afrika met 109% teen 2035 kan vermeerder en toerisme regoor Afrika sal toeneem indien Afrikane vrylik oor die vasteland kan reis.
"Die Afrika-Unie (AU) wil hê dat Afrika teen 2063 geen grense moet hê nie. Jy kan jou die jeug in Swakopmund of Windhoek voorstel wat op soek is na geleenthede, of in Accra, of Nigerië. Hulle hoef nie 40 jaar te wag vir die grense om verwyder te wees voordat hulle toegang tot geleenthede kry nie. Ons glo dus dat ons binne vyf jaar \'n grenslose Afrika kan hê," het Mubarak by ’n mediakonferensie in die hoofstad gesê.
Mubarak is van mening dat geleenthede in Afrika aan ander Afrikane gegun moet word voor dit aan burgers van oorsese lande gegee word. "Neem byvoorbeeld Zambië. Zambië is een van die beste produsente van pluimveeprodukte. Afrikane het geen reg om pluimveeprodukte uit Asië te bring nie. Ek sê dit nie om Afrikane wat met ander vastelande handel dryf, te verkleineer nie, maar ons moet eers na onsself omsien om die werksgeleenthede hier te behou, want ons voer letterlik werk uit na Europa, Noord-Amerika en Asië," het hy gesê.
Oor die kwessie van veiligheid het Mubarak gesê: "Kenia het vroeër vanjaar aangekondig dat burgers van Afrikalande sonder visums daarheen kan gaan – en geen Afrikaland het al hul land oorval nie. . . As jy ’n broer het, hoekom moet jy vrees dat jou broer jou land kom besoek? Kenia is oop en hulle het nie probleme nie."
Hy het ook vinger gewys na die AU as een van die skuldige partye in rusies tussen Afrikalande. "Die Algeriërs en Marokkane het probleme sedert 1994, en so is hul grense gesluit en hulle is bure. Ek sê dit oral sonder verskonings en sonder vrees – dit is een van die mislukkings van die AU. Want as jy \'n ouer van \'n ander instelling is en jou kinders praat nie met mekaar sedert 1994 nie, misluk jy funksioneel as \'n ouer."
Namibië is die tiende land wat Mubarak en sy afvaardiging besoek op hul reis deur 39 Afrikalande.
Kyk die video hier: https://q.my.na/ZJL1
– [email protected]
Mubarak voer aan dat handel binne Afrika met 109% teen 2035 kan vermeerder en toerisme regoor Afrika sal toeneem indien Afrikane vrylik oor die vasteland kan reis.
"Die Afrika-Unie (AU) wil hê dat Afrika teen 2063 geen grense moet hê nie. Jy kan jou die jeug in Swakopmund of Windhoek voorstel wat op soek is na geleenthede, of in Accra, of Nigerië. Hulle hoef nie 40 jaar te wag vir die grense om verwyder te wees voordat hulle toegang tot geleenthede kry nie. Ons glo dus dat ons binne vyf jaar \'n grenslose Afrika kan hê," het Mubarak by ’n mediakonferensie in die hoofstad gesê.
Mubarak is van mening dat geleenthede in Afrika aan ander Afrikane gegun moet word voor dit aan burgers van oorsese lande gegee word. "Neem byvoorbeeld Zambië. Zambië is een van die beste produsente van pluimveeprodukte. Afrikane het geen reg om pluimveeprodukte uit Asië te bring nie. Ek sê dit nie om Afrikane wat met ander vastelande handel dryf, te verkleineer nie, maar ons moet eers na onsself omsien om die werksgeleenthede hier te behou, want ons voer letterlik werk uit na Europa, Noord-Amerika en Asië," het hy gesê.
Oor die kwessie van veiligheid het Mubarak gesê: "Kenia het vroeër vanjaar aangekondig dat burgers van Afrikalande sonder visums daarheen kan gaan – en geen Afrikaland het al hul land oorval nie. . . As jy ’n broer het, hoekom moet jy vrees dat jou broer jou land kom besoek? Kenia is oop en hulle het nie probleme nie."
Hy het ook vinger gewys na die AU as een van die skuldige partye in rusies tussen Afrikalande. "Die Algeriërs en Marokkane het probleme sedert 1994, en so is hul grense gesluit en hulle is bure. Ek sê dit oral sonder verskonings en sonder vrees – dit is een van die mislukkings van die AU. Want as jy \'n ouer van \'n ander instelling is en jou kinders praat nie met mekaar sedert 1994 nie, misluk jy funksioneel as \'n ouer."
Namibië is die tiende land wat Mubarak en sy afvaardiging besoek op hul reis deur 39 Afrikalande.
Kyk die video hier: https://q.my.na/ZJL1
– [email protected]
Kommentaar
Republikein
Geen kommentaar is op hierdie artikel gelaat nie