Geingob optimisties oor samewerking met Duitsland

Jemima Beukes – President Hage Geingob het Maandag beklemtoon dat Namibië deur die oppergesag van die reg en die Namibiese Grondwet beheer word.Dit nadat hy ’n groot Duitse afvaardiging, gelei deur dié land se minister van ekonomiese sake en klimaataksie, Robert Habeck, verwelkom het. Dié afvaardiging se besoek hou verband met geleenthede in Namibië se jong groenwaterstofsektor.Geingob het – met verwysing na homself – aan afgevaardigdes gesê die land word nie as ’n “eenmanvertoning” bestuur nie, maar dat daar prosesse, stelsels en instellings is wat rigting gee aan die werk van die regering.“Ek kan julle belowe ons howe is baie onafhanklik. Ons het talle sake verloor, hierdie regering. So, dit is hoe ek julle wil verwelkom, sodat julle weet wat die vlak van hierdie instellings is en dat ons ’n land is wat deur wetgewing beheer word,” het hy gesê.Geingob het vanjaar verskeie hooggeplaastes, insluitend Habeck, by die Wêreld- Ekonomiese Forum in Davos, Switzerland ontmoet – met wie hy nuwe sakestrategieë en die skepping van nuwe energiebronne bespreek het.Ten spyte van sy versigtigheid, het die president gesê Namibië is optimisties oor die samewerking met Duitsland.SAMEWERKINGHabeck het gesê Duitsland stel veral belang in energie, maar, die belangrikste, dat Namibië toegang tot skoon energie het. Hulle het verskeie ooreenkomste onderteken wat beleggings in onderwys en die werkskepping in die groenwaterstofsektor insluit, het hy gesê.“Hierdie is ’n kwessie van samewerking met Namibië, om nuwe maniere van samewerking te vind weens ons geskiedenis en wat daaruit spruit.“Die hoofbesprekingspunt was groen energie vir Namibië, [vir] jou mense om ’n betroubare en goedkoop energiestelsel te hê, en ons stel ook belang om dalk ook na Duitsland uit te voer.“Die eerste ding wat ek wil hoor, is dat Namibië skoon en bekostigbare energie het en as jy energie het om te gebruik, dan is daar ’n Europese belang,” het hy gesê.OOREENKOMSTE ONDERTEKEN Die twee lande het ook ’n ooreenkoms onderteken oor ’n mededingingskommissie, wat – volgens Habeck – belangrik is vir die versterking van vaste bande wat almal ’n regverdige kans in die sektor sal gee.Nog ’n ooreenkoms wat onderteken is, is ’n memorandum van verstandhouding (MoU) tussen die Universiteit van Namibië (Unam) en Hochschule Anhalt, ’n universiteit vir toegepaste wetenskappe. Die ooreenkoms sal finansiering verskaf vir nagraadse studente om hul geleerdheid in Namibië en Duitsland uit te brei. – republikein@republikein.com.na

Geingob optimisties oor samewerking met Duitsland

Kommentaar

Republikein 2026-11-03

Meld asseblief aan om kommentaar te lewer

Geingob optimisties oor samewerking met Duitsland

Kommentaar

Republikein 2026-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.