Fishrot: Angolese oudminister se verhoor skop af

HoofredaksieAngola se voormalige minister van visserye, Vitória de Barros Neto, se verhoor oor die beweerde geldverduistering rakende gesamentlike visbedrywighede met Namibië skop in April af. Dit laat die kollig weer laat val op die oorgrens-reikwydte van die Fishrot-skandaal.Die Angolese hooggeregshof in die hoofstad Luanda het die verhoor vir 22 April geskeduleer, berig VerAngola.Neto staar aanklagte van geldverduistering in die gesig wat deur die staatsaanklaer aanhangig gemaak is.Sy word daarvan beskuldig dat sy geld, afkomstig van visverkope in die gesamentlike kusgebied wat Angola en Namibië deel, tydens haar ampstermyn onregmatig toegeëien het.Drie medebeskuldigdes – Rafael Virgílio Pascoal, Yango Nsalamby en Jaime Domingos Alves Pinto – sal na verwagting ook verhoor word.Angolese aanklaers het bevestig dat die saak direkte skakels met Namibië het, met owerhede van albei lande wat saamwerk aan die ondersoeke na dieselfde transaksies.Die Angolese prokureur-generaal se kantoor het vroeër aangedui dat Namibiese regsowerhede ’n parallelle strafproses hanteer wat Namibiese burgers en maatskappye betrek wat met die beweerde skema verbind is.Ondersoekers het ook ’n omstrede viskwotareëling ter waarde van N$150 miljoen tussen Namibië en Angola ondersoek, wat glo tot voordeel van verskeie polities-verbonde individue in albei lande afgewentel is.In 2021 het die Namibiese Fishrot-beskuldigde, Ricardo Gustavo, in die Windhoekse hoërhof getuig dat João de Barros, die seun van die Angolese minister, sy hoof was by Namgomar Pesca Namibia was, waar Gustavo as die enigste direkteur gedien het.Vorige beriggewing deur Network Media Hub (NMH) het ook Neto se rol uitgelig in ooreenkomste wat die Yslandse maatskappy Samherji in staat gestel het om toegang tot maasbankerkwotas te kry, met haar naam wat gereeld saam met Namibiese beskuldigdes verskyn het, insluitend voormalige ministers Bernhardt Esau (visserye en mariene hulpbronne) en Sacky Shanghala (justisie).OOREENKOMSTE ONDER DIE VERGROOTGLASBelangrike besonderhede van Neto se betrokkenheid dateer terug na Junie 2014, toe sy ’n bilaterale maasbanker-ooreenkoms met die destydse Namibiese visseryeminister Esau, onderteken het, wat tans in aanhouding is en op die verhoor van die Fishrot-saak wag.Neto was ook deel van ’n groep – insluitend haar seun João de Barros – wat met vergaderings met Samherji-verteenwoordigers, Shanghala en James Hatuikulipi verbind word, met die doel om vissery-ooreenkomste te finaliseer wat aanklaers nou sê die grondslag vir die Fishrot-skema gelê het.FISHROT-WEERKLANKEDie verwikkelinge weerspieël sleutelelemente van Namibië se Fishrot-skandaal, een van die land se grootste korrupsiesake, waarin senior politici en sakelui daarvan beskuldig word dat hulle viskwotas herlei het in ruil vir omkoopgeld van buitelandse maatskappye.Die skandaal, wat in 2019 losgebars het, het gelei tot die bedanking en inhegtenisneming van Esau en Shanghala, wat aanklagte van bedrog, korrupsie en geldwassery in die gesig staar.In die middelpunt van Fishrot was bewerings dat polities-verbonde entiteite bilaterale vissery-ooreenkomste en kwotatoekennings uitgebuit het – ’n struktuur soortgelyk aan dié wat nou in Angola onder die vergrootglas is.Vorige hofgetuienis in Namibië het reeds op Angolese skakels gewys, met bewyse wat toon dat Angolees-verbonde vismaatskappye betrokke was by kwotatoekennings wat aan Fishrot gekoppel is, met betrokkenes wat tot in Neto se familie strek.– republikein@republikein.com.na

Fishrot: Angolese oudminister se verhoor skop af

Kommentaar

Republikein 2026-07-02

Meld asseblief aan om kommentaar te lewer

Fishrot: Angolese oudminister se verhoor skop af

Kommentaar

Republikein 2026-07-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.