China versterk bande met Namibiese president

Die Chinese ambassadeur in Namibië, Zhao Weiping, het onlangs president Netumbo Nandi-Ndaitwah by Staatshuis besoek.Tydens die amptelike hoflikheidsbesoek het Zhao ook ’n boodskap van gelukwensing van die Chinese staatshoof, Xi Jinping, aan Nandi-Ndaitwah gelewer. Xi het Nandi-Ndaitwah gelukgewens met haar onlangse inhuldiging as die vyfde president van Namibië.Volgens Staatshuis het Nandi-Ndaitwah die Chinese president bedank aangesien hy tussen die eerstes is om haar geluk te wens ná haar suksesvolle verkiesing verlede jaar. Hy het ook ’n spesiale gesant gestuur om Namibië se 35ste onafhanklikheidsherdenking by te woon.Volgens Nandi-Ndaitwah is dit ’n aanduiding van die sterk betrekkinge tussen die twee lande. Sy het verder beklemtoon Namibië sal voortgaan om saam met China te werk, op grond van wedersydse voordele, volgens Staatshuis se verklaring.Zhao het herbevestig dat die Chinese regering daarna uitsien om die bilaterale betrekkinge tussen die twee lande te versterk en sal ondersteuning verskaf waar nodig, volgens Staatshuis.Nandi-Ndaitwah het verder opgemerk Namibië is gereed om tot die internasionale agenda by te dra, tot voordeel van die mensdom, luidens die verklaring.RUSLAND EN VKDie besoek volg net minder as twee weke nadat Yury Trutnev, die adjunk- eerste minister van Rusland, Nandi-Ndaitwah besoek het.Staatshuis se woordvoerder, Alfredo Hengari, het onmiddellik ná die besoek gesê die Namibiese president het klem op sterker samewerking geplaas, veral rakende energie en waardetoevoeging tot Namibië se natuurlike hulpbronne.Rusland is sterk in kernkrag terwyl Namibië ryk is aan uraan, het Hengari gesê. Volgens hom het Trutnev saamgestem. Opleiding is ook bespreek, met Namibiese studente wat reeds in Rusland studeer.Meer onlangs het die Britse hoë kommissaris in Namibië, Charles Moore, ook Staatshuis besoek om afskeid te neem. Moore keer binnekort na die Verenigde Koninkryk (VK) terug.Tydens die besoek het Nandi-Ndaitwah weer eens klem gelê op handel en belegging, spesifiek om Namibië te help om werkloosheid op eie bodem te takel.Die president het beklemtoon dat bestaande betrekkinge tussen die twee lande verder versterk moet word in die olie- en gassektore, om meer werksgeleenthede vir jong Namibiërs te skep.Moore het gesê handel tussen die twee lande het reeds oor die afgelope vier jaar verdriedubbel.VSATe midde van die ontwrigting van wêreldwye handelsbetrekkinge wat deur die Amerikaanse president, Donald Trump, se nuwe tariewe veroorsaak is, het die Amerikaanse ambassade in Windhoek egter nog nie ’n besoek aan Staatshuis afgelê nie.Hengari het bevestig dat die Amerikaners nog nie daar was nie, terwyl Brumilda Gertze, die protokolassistent by die ambassade, gesê het hulle is nog besig om ’n besoek te skeduleer. “Die Amerikaanse regering gaan voort om aktief met die regering van Namibië te skakel,” het Tiffany Miller, die ambassade se woordvoerder, bygevoeg.– augetto@nmh-hub.com.na

China versterk bande met Namibiese president

Kommentaar

Republikein 2025-12-19

Meld asseblief aan om kommentaar te lewer

China versterk bande met Namibiese president

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.