Botswana soek grensvrede met Namibië
‘Goeie verhouding’ tussen staatshoofde
Die moord op drie broers en hul Zambiese neef deur lede van die BDF langs die Choberivier het spanning tussen die twee lande verhoog en betogings deur meestal inwoners van die Zambezistreek meegebring.
Nuusredaksie - Botswana se minister van kommunikasie, Thulagano Segokgo, sê sy land se geskiedenis om sy grensgeskille met Namibië vriendskaplik op te los, kan as ’n wegspringpunt dien vir die hantering van soortgelyke konflikte in die toekoms.
Dit te midde van sporadiese voorvalle van die buurland se gewapende magte wat Namibiërs na bewering teister.
Die moord op drie broers en hul Zambiese neef in 2020 deur lede van Botswana se weermag (BDF) langs die Choberivier het spanning tussen die twee lande verhoog en betogings deur meestal inwoners van die Zambezistreek meegebring.
’n Hof in Kasane, Botswana, het ten gunste van BDF beslis en hom vrygespreek van growwe nalatigheid en aanspreeklikheid vir kriminele litigasie in die moorde. Dit nadat ’n Namibiese drukgroep die BDF probeer dagvaar het.
Segokgo het op die nuusprogram The Agenda gesê sy land soek nie moeilikheid met Namibië nie, en het verwys na die vreedsame wyse waarop verskille in die verlede hanteer is.
VOLSKAALSE KONFLIKTE
Namibië en Botswana het koppe gestamp oor Sedudu-eiland, ook bekend as Kasikili, maar die territoriale dispuut is opgelos deur ’n 1999-uitspraak van die Internasionale Hof van Justisie, wat in Botswana se guns beslis het.
“Ja, ons het in die verlede verskille oor ons grense gehad, wat ons vriendskaplik opgelos het – baie kenmerkend van die twee nasies as demokratiese en wetsgehoorsame state,” het Segokgo gesê.
“Daar was voorvalle wat in die verlede plaasgevind het waar daar interaksies tussen ons weermag en stropers was, soos hulle dit stel, maar ons staatshoofde het besprekings gevoer en hierdie sake is hanteer.”
Wat sake vererger het, was ’n grensverdrag wat op 5 Februarie 2018 deur president Hage Geingob en Botswana se voormalige president, Ian Khama, onderteken is, waarvolgens ’n ander eiland – Situngu – aan Botswana afgestaan is.
Sommige stamhoofde in die Zambezistreek, insluitend die leiers van die Mafwe- en Mayeyi- tradisionele owerhede, het die wettigheid van die verdrag bevraagteken, wat volgens hulle sonder hul toestemming gesluit is.
’n Ondersoek na die verdrag in 2021 deur die staande komitee oor binnelandse sake, sekuriteit, grondwetlike en regsake het tot die gevolgtrekking gekom dat die ooreenkoms tot potensiële konflikte en skermutselings tussen die twee lande kan lei.
“Hierdie klein gevalle kan lei tot volwaardige konflikte, wat uiteindelik uitloop in burgeroorloë en oorgrenskonflikte,” het die komitee se verslag gelui.
GOEIE VERHOUDING
Segokgo het egter gesê sy land wil net ’n vreedsame naasbestaan met sy westelike buurland geniet.
“Ons probeer nie om enige stand te hê wat skadelik of nadelig vir Namibië is nie – inteendeel,” het hy in Swakopmund gesê, waar hy verskeie besoeke saam met sy Namibiese eweknie, Peya Mushelenga, onderneem het.
“Die verhouding tussen ons twee staatshoofde [Geingob en Botswana se huidige president, Mokgweetsi Masisi] is regtig goed en as ministers volg ons hulle voorbeeld om te verseker dat ons ons verhoudings stewig hou.”
Oor die mense langs die twee buurlande se grense het hy gesê: “Hulle het interaksie, trou met mekaar. . . daar is familielede oor die grens. So, ons kan nie probeer om teen ons eie mense te veg nie. Ons soek niks anders as die welvaart van beide ons lande nie.”
– [email protected]
Dit te midde van sporadiese voorvalle van die buurland se gewapende magte wat Namibiërs na bewering teister.
Die moord op drie broers en hul Zambiese neef in 2020 deur lede van Botswana se weermag (BDF) langs die Choberivier het spanning tussen die twee lande verhoog en betogings deur meestal inwoners van die Zambezistreek meegebring.
’n Hof in Kasane, Botswana, het ten gunste van BDF beslis en hom vrygespreek van growwe nalatigheid en aanspreeklikheid vir kriminele litigasie in die moorde. Dit nadat ’n Namibiese drukgroep die BDF probeer dagvaar het.
Segokgo het op die nuusprogram The Agenda gesê sy land soek nie moeilikheid met Namibië nie, en het verwys na die vreedsame wyse waarop verskille in die verlede hanteer is.
VOLSKAALSE KONFLIKTE
Namibië en Botswana het koppe gestamp oor Sedudu-eiland, ook bekend as Kasikili, maar die territoriale dispuut is opgelos deur ’n 1999-uitspraak van die Internasionale Hof van Justisie, wat in Botswana se guns beslis het.
“Ja, ons het in die verlede verskille oor ons grense gehad, wat ons vriendskaplik opgelos het – baie kenmerkend van die twee nasies as demokratiese en wetsgehoorsame state,” het Segokgo gesê.
“Daar was voorvalle wat in die verlede plaasgevind het waar daar interaksies tussen ons weermag en stropers was, soos hulle dit stel, maar ons staatshoofde het besprekings gevoer en hierdie sake is hanteer.”
Wat sake vererger het, was ’n grensverdrag wat op 5 Februarie 2018 deur president Hage Geingob en Botswana se voormalige president, Ian Khama, onderteken is, waarvolgens ’n ander eiland – Situngu – aan Botswana afgestaan is.
Sommige stamhoofde in die Zambezistreek, insluitend die leiers van die Mafwe- en Mayeyi- tradisionele owerhede, het die wettigheid van die verdrag bevraagteken, wat volgens hulle sonder hul toestemming gesluit is.
’n Ondersoek na die verdrag in 2021 deur die staande komitee oor binnelandse sake, sekuriteit, grondwetlike en regsake het tot die gevolgtrekking gekom dat die ooreenkoms tot potensiële konflikte en skermutselings tussen die twee lande kan lei.
“Hierdie klein gevalle kan lei tot volwaardige konflikte, wat uiteindelik uitloop in burgeroorloë en oorgrenskonflikte,” het die komitee se verslag gelui.
GOEIE VERHOUDING
Segokgo het egter gesê sy land wil net ’n vreedsame naasbestaan met sy westelike buurland geniet.
“Ons probeer nie om enige stand te hê wat skadelik of nadelig vir Namibië is nie – inteendeel,” het hy in Swakopmund gesê, waar hy verskeie besoeke saam met sy Namibiese eweknie, Peya Mushelenga, onderneem het.
“Die verhouding tussen ons twee staatshoofde [Geingob en Botswana se huidige president, Mokgweetsi Masisi] is regtig goed en as ministers volg ons hulle voorbeeld om te verseker dat ons ons verhoudings stewig hou.”
Oor die mense langs die twee buurlande se grense het hy gesê: “Hulle het interaksie, trou met mekaar. . . daar is familielede oor die grens. So, ons kan nie probeer om teen ons eie mense te veg nie. Ons soek niks anders as die welvaart van beide ons lande nie.”
– [email protected]
Kommentaar
Republikein
Geen kommentaar is op hierdie artikel gelaat nie