Waterbesparing nou ’n werklikheid
Ellanie Smit - Waterbeperkings gaan in Windhoek geïmplementeer word weens die swak watertoevoer vanaf die drie voerdamme na die hoofstad.
Luidens ’n verklaring deur die kantoor van Stad Windhoek (CoW) se uitvoerende hoof, Moses Matyayi, word die watertoevoer na die hoofstad se munisipale raad geraak deur die driedamstelsel wat uit die Von Bach-, Swakoppoort- en Omatakodam bestaan.
Die totale gemiddelde vlak vir hierdie drie damme staan op 35,7% in vergelyking met verlede seisoen, toe dit 58,5% vol was.
“Hierdie damme word almal deur reën gevoed en daarom sal daar geen invloei wees as dit nie reën nie.”
Matyayi het gesê dat hoewel die munisipale raad hoogs afhanklik is van die grootmaat-voorraad van NamWater, is daar beperkte hulpbronne om hierdie toevoer aan te vul tydens normale toevoer en seisoenale droogtes.
Die Swakoppoortdam se vlak staan steeds op 69%, volgens NamWater se dambulletin.
Matyayi het egter gesê dit is belangrik om daarop te let dat die dam se water van swak gehalte is, benewens die feit dat die oordragstelsel wat dit met die Von Bach-dam verbind, baie onbetroubaar is met gereelde onderbrekings.
Intussen is die Von Bachdam 24,1% vol en die Omatakodam is leeg.
“As die hoë verdampingstempo in ag geneem word, is die beskikbare voorraad in die drie damme saam nie voldoende om Windhoek vir ’n tydperk van twee jaar van water te voorsien as geen invloei plaasvind nie en die noodboorgatskema vir Windhoek nog nie geaktiveer is nie.”
Matyayi het gesê in die lig van die huidige situasie, is die mees relevante kategorie van waterskaarste wat vorentoe verklaar moet word kategorie C, wat bepaal dat Windhoek se munisipaliteit waterbeperkings moet implementeer om die wateraanvraag met 10% te kan verminder.
Ingevolge hierdie maatreëls moet inwoners kennis neem dat tuine slegs twee keer per week natgelei mag word, voertuie slegs met emmers (geen tuinslange) gewas mag word, en swembaddens te alle tye bedek moet word.
Ander beperkings sluit in dat geen water-fokuspunte soos fonteine toegelaat word nie, die hergebruik van water word so ver moontlik aangemoedig, vierblok-watertariewe sal aangepas word na laer volumes wat per maand verbruik mag word voordat straftariewe sal geld om waterbesparing aan te moedig en daar word van inwoners verwag om daaglikse watermeterlesings te doen om waterlekkasies te identifiseer.
Geen korting vir waterlekkasies sal toegelaat word nie. – [email protected]
Luidens ’n verklaring deur die kantoor van Stad Windhoek (CoW) se uitvoerende hoof, Moses Matyayi, word die watertoevoer na die hoofstad se munisipale raad geraak deur die driedamstelsel wat uit die Von Bach-, Swakoppoort- en Omatakodam bestaan.
Die totale gemiddelde vlak vir hierdie drie damme staan op 35,7% in vergelyking met verlede seisoen, toe dit 58,5% vol was.
“Hierdie damme word almal deur reën gevoed en daarom sal daar geen invloei wees as dit nie reën nie.”
Matyayi het gesê dat hoewel die munisipale raad hoogs afhanklik is van die grootmaat-voorraad van NamWater, is daar beperkte hulpbronne om hierdie toevoer aan te vul tydens normale toevoer en seisoenale droogtes.
Die Swakoppoortdam se vlak staan steeds op 69%, volgens NamWater se dambulletin.
Matyayi het egter gesê dit is belangrik om daarop te let dat die dam se water van swak gehalte is, benewens die feit dat die oordragstelsel wat dit met die Von Bach-dam verbind, baie onbetroubaar is met gereelde onderbrekings.
Intussen is die Von Bachdam 24,1% vol en die Omatakodam is leeg.
“As die hoë verdampingstempo in ag geneem word, is die beskikbare voorraad in die drie damme saam nie voldoende om Windhoek vir ’n tydperk van twee jaar van water te voorsien as geen invloei plaasvind nie en die noodboorgatskema vir Windhoek nog nie geaktiveer is nie.”
Matyayi het gesê in die lig van die huidige situasie, is die mees relevante kategorie van waterskaarste wat vorentoe verklaar moet word kategorie C, wat bepaal dat Windhoek se munisipaliteit waterbeperkings moet implementeer om die wateraanvraag met 10% te kan verminder.
Ingevolge hierdie maatreëls moet inwoners kennis neem dat tuine slegs twee keer per week natgelei mag word, voertuie slegs met emmers (geen tuinslange) gewas mag word, en swembaddens te alle tye bedek moet word.
Ander beperkings sluit in dat geen water-fokuspunte soos fonteine toegelaat word nie, die hergebruik van water word so ver moontlik aangemoedig, vierblok-watertariewe sal aangepas word na laer volumes wat per maand verbruik mag word voordat straftariewe sal geld om waterbesparing aan te moedig en daar word van inwoners verwag om daaglikse watermeterlesings te doen om waterlekkasies te identifiseer.
Geen korting vir waterlekkasies sal toegelaat word nie. – [email protected]
Kommentaar
Republikein
Geen kommentaar is op hierdie artikel gelaat nie