Waterbeperkings in Windhoek opgehef

Stad Windhoek het alle waterbeperkings in die hoofstad opgehef, ná aansienlike verbeterings in die stad se waterreserwes. Windhoek het gevolglik teruggekeer na 'Normale Watervoorsiening - Kategorie A'-status. Die stap volg na volgehoue bogemiddelde reënval gedurende die 2024/2025-reënseisoen, wat die stad se primêre waterbronne aansienlik aangevul het. Die drie sleuteldamme wat Windhoek voed, Swakoppoort, Von Bach en Omatako, spog tans met robuuste vlakke, met gekombineerde berging van 86,2%.Sedert Maandag (11 Augustus) is die 15%-waterbesparingsvereiste wat voorheen van krag was onder Kategorie D van die hoofstad se waterbestuursplan herroep, tesame met die gepaardgaande bybetalings. Die munisipaliteit het ook begin met die bestuurde kunsmatige aanvulvan die Windhoek Suidelike Akwifer (WMARS) om langtermyn-watersekerheid te verbeter.“Dit is 'n positiewe mylpaal vir die hoofstad,” het die munisipaliteit gesê en die verandering in waterstatus toegeskryf aan beide gunstige reënval en strategiese waterherwinning deur die Windhoek Goreangab-bedryfsmaatskappy (WINGOC). Teen vroeg in Mei het die Swakoppoortdam op 99% kapasiteit gestaan, Von Bach op 81.3% en Omatako op 72.8%.Ten spyte van die bemoedigende vooruitsigte, bly die stadsvaders steeds versigtig optimisties. Die situasie sal in Mei 2026 hersien word op grond van opgedateerde damvlakke. Die munisipaliteit het inwoners gemaan om water steeds verantwoordelik te gebruik. “Alhoewel ons nie meer beperkings het nie, bly water 'n kosbare en beperkte hulpbron in ons streek,” het die munisipaliteit in 'n verklaring gesê, met openbare bewusmakingsveldtogte en inisiatiewe vir waterbesparing wat steeds voortduur. - republikein@republikein.com.na

Waterbeperkings in Windhoek opgehef

Kommentaar

Republikein 2026-05-04

Meld asseblief aan om kommentaar te lewer

Waterbeperkings in Windhoek opgehef

Kommentaar

Republikein 2026-05-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.