Vrae oor N$10,8 m. vir Reho Spa

Vrae word gevra oor die besteding van ongeveer N$10,8 miljoen vir die opgradering van Reho Spa by Rehoboth wat reeds in Julie 2024 begin het, maar nog nie ten volle in bedryf is nie. Hierdie kwessie is deur Diederik Vries, ’n parlementslid van die Popular Democratic Movement (PDM), in ’n parlementêre kennisgewing van vrae aan die minister van stedelike en landelike ontwikkeling, Sankwasa James Sankwasa, gerig met die doel om duidelikheid te kry oor die uitgawes, vordering en uitstaande werk by die oord. “Hierdie situasie vereis groter aanspreeklikheid oor die aanwending van openbare fondse en die voortgesette vertraging om ’n waardevolle toerismefasiliteit met beduidende ekonomiese en indiensnemingspotensiaal vir die mense van Rehoboth te herstel,” het Vries gesê.Hy het teenstrydighede in gerapporteerde regeringsbydraes van N$6,3 miljoen, N$6,8 miljoen en N$7 miljoen bevraagteken en die minister gevra om die werklike bedrag wat aan die opraderingsprojek bestee is, uit te klaar: “Die belegging van byna N$10,8 miljoen, watter tasbare ontwikkelings is tot dusver bereik en watter opgraderingswerke moet nog voltooi word,” het hy gevra, ondanks die gerapporteerde gekombineerde belegging deur die regering, die Rehoboth-dorpsraad en die gemeenskap.Vrae is verder gevra oor die wettige oordrag van die Reho Spa-eiendom van die ministerie van werke en vervoer na die Rehoboth-dorpsraad: “Watter strategieë sal verseker dat die beoogde permanente werksgeleenthede inwoners van Rehoboth bevoordeel, veral werklose jongmense?”SWEMBAD TOE IN SOMERVries het verder gevra wat die vertraging is met die heropening van die swembadgeriewe, wat die raad vroeër aangedui het in September vanjaar sou heropen het. Hy het die minister gevra om ’n hersiene openingsdatum te verskaf.’n Ander kwessie hou verband met Fase 3 van die opgradering, veral die herstel van die natuurlike warmbronne, wat die oord se groot trekpleister is. Hy het gevra of die regering die befondsing wat nodig is om hierdie fase te voltooi, verseker het.Die vrae soek ook duidelikheid oor die bestuurs- en finansiële volhoubaarheidsreëlings wat ingestel is om te verseker dat Reho Spa voldoende inkomste genereer, sy geriewe instad gehou en nie vervalle raak nie.Daarbenewens het hy gevra vir besonderhede oor strategieë om te verseker dat beoogde permanente werksgeleenthede Rehoboth-inwoners bevoordeel, veral werklose jongmense.– aurelia@nmh-hub.com.na

Vrae oor N$10,8 m. vir Reho Spa

Kommentaar

Republikein 2026-11-13

Meld asseblief aan om kommentaar te lewer

Vrae oor N$10,8 m. vir Reho Spa

Kommentaar

Republikein 2026-11-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.