Tydlyn van 18 maande om vier nuwe hospitale te bou

Eerste minister Elijah Ngurare en die minister van gesondheid en maatskaplike dienste, dr Esperance Luvindao, het hulle verbind tot ’n ambisieuse tydlyn van 18 maande vir diekonstruksie van vier nuwe hospitale op Ondangwa, Nkurenkuru en Havana in Windhoek, benewens die lank beloofde Otjiwarongo-verwysingshospitaal.Tydens ’n terreinbesoek Sondag aan die voorgestelde bouperseel by Otjiwarongo het Ngurare beklemtoon befondsing is beskikbaar en daar geen regverdiging vir vertragings is nie.“As daar geen geld was nie, sou ek dit verstaan, maar in hierdie geval is fondse beskikbaar,” het hy gesê.Die jongste verbintenis kom teen die agtergrond van jare se vertragings sedert die aankondiging 2014 op Otjiwarongo, waar die beoogde verwysingshospitaal met 250 beddens, vasgeval het.Planne vir die hospitaal van N$720 miljoen strek oor ongeveer 20 hektaar en sal ’n moderne hospitaal, ’n toegewyde tuberkulose-afdeling, personeelbehuising en ’n geestesgesondheidsfasiliteit insluit. Om die uitvoering te bespoedig, het Ngurare gevra dat die skoonmaak van die terrein gelyktydig met die finalisering van ingenieurspesifikasies voortgaan, ondersteun deur gereelde inspeksies om vordering te monitor.Die besoek aan die aangewese terrein het getoon buiten ’n beton-omheiningsstruktuur, die gebied binne-in grootliks nog met bosse begroei is, met geen sigbare fondamente of konstruksiewerk van die hospitaal self nie.Die hospitaal was bedoel om verwysingsgesondheidsdienste in die Otjozondjupastreek te versterk en druk op die Otjiwarongo-staatshospitaal te verlig, wat steeds pasiënte bedien wat uit omliggende gebiede verwys word.Ontwikkelingsplanne van die regering het voorheen Maart 2026 as teikendatum vir voltooiing aangegee.BEGIN SONDER UITSTELTydens Sondag se besoek het Ngurare gevra dat die Otjiwarongo-projek sonder onnodige vertragings vorentoe beweeg. Hy het ook vir gereelde inspeksies gevra om vordering te monitor. Hy het nouer samewerking tussen die gesondheidsministerie en plaaslike munisipale owerhede aangemoedig. Hy het ook deelname van die gemeenskappe aangespoor, veral onder werklose jeug, deur gestruktureerde “kos vir kontant”- en “kontant vir werk”-programme.Belanghebbendes het ooreengekom om binnekort weer te vergader om uitstaande vereistes te takel voordat kontrakteurs betrek word, met betrokkenheid wat vir vroeg in Januarie 2027 geteiken is. Die eerste minister het ook voortgesette toesig belowe om te verseker dat aangestelde kontrakteurs gehalte-gesondheidsgeriewe betyds en binne die begroting lewer.– aurelia@nmh-hub.com.na

Tydlyn van 18 maande om vier nuwe hospitale te bou

Kommentaar

Republikein 2026-10-15

Meld asseblief aan om kommentaar te lewer

Tydlyn van 18 maande om vier nuwe hospitale te bou

Kommentaar

Republikein 2026-10-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.