Talle inisiatiewe vir waterverskaffing

NamWater het vandeesweek ’n uitnodiging aan belangstellendes gerig om te tender vir konstruksiewerk vir die uitbreiding van Oshakati se watersuiweringsaanleg.Alle tenders moet teen 21 Augustus vóór 11:00 by NamWater se kantore in die hoofstad afgelewer word. Dit kom nadat die regering finansiering van die Afrika-ontwikkelingsbank (AfDB) ontvang het vir die uitbreiding van dié watersuiweringsaanleg.Jona Musheko, die woordvoerder van die ministerie van landbou, water en grondhervorming, het aan die media verduidelik dat die uitbreiding van Oshakati se watersuiweringsaanleg, kapasiteit sal verhoog om water aan Oshana, Oshikoto asook dele van Ohangwena te verskaf. “Die huidige aanleg raak ouer en daarom maak ons ’n plan om op terug te val – om seker te maak ons kan in almal se behoefte aan water voldoen,” het hy verduidelik. “Uiteindelik sal die ou pyplyne ook vervang word wat hierdie streke verbind, wat beteken water sal dan teen die optimale druk gepomp kan word – veral na die Oshikotostreek. “Dieselfde geld vir Rundu en verbeterde waterverskaffing aan nedersettings rondom die dorp. Dit sluit die boorgate wat ons in die Kavango-Wes- en Kavango-Oosstreek geboor het, uit. Die benadering is om alle moontlikhede te benut om water aan mense te verskaf,” het Musheko verduidelik. Hy sê putte word steeds gesink en infrastruktuur ontwikkel om van die Ohangwena-akwifer gebruik te kan maak. TALLE PROJEKTE“Deur die Namibië Watersektor-ondersteuningsprogram (NWSSP) is die direktoraat vir die koördinering van waterverskaffing en sanitasie besig met verskeie inisiatiewe in talle streke om aan die behoefte vir water te voldoen,” het Musheko gesê. “Vroeër vanjaar het ons ‘n ooreenkoms met die EIF aangegaan om mini-ontsoutingsaanlegte te bou in gebiede met brak- of soutwater – en die verkrygingsproses is bykans voltooi. Vir die projek is die Kunene-, Ohangwena-, Oshikoto-, Kavango-Wes-, Kavango-Oos-, die Zambezi- en ||Kharasstreek die teikengebiede. “Terselfdertyd is ons besig met herstelwerk aan die NamWater-kanaal, wat water aan die suiweringsaanleg by Oshakati verskaf. “Ons gee aandag aan elke beroep op waterskaarsheid en ons tree op met die nodige dringendheid in die verband,” het hy bygevoeg. – elvira@republikein.com.na

Talle inisiatiewe vir waterverskaffing

Kommentaar

Republikein 2025-05-01

Meld asseblief aan om kommentaar te lewer

Talle inisiatiewe vir waterverskaffing

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie