Sowat 2 400 gesinne wag vir basiese dienste in Grootfontein

Sowat 2 399 huishoudings in Grootfontein se twee informele nedersettings woon in sinkhutte, sukkel om toegang tot vars water, sanitasie en elektrisiteit te kry en het nie veilige grondbesitreg nie. In ’n voorlegging aan die parlement se staande komitee oor stedelike en landelike ontwikkeling en grondhervorming verlede week, het die munisipaliteit gesê die dorp se twee informele nedersettings, Blikkiesdorp en Kap en Bou, het teen ’n vinnige tempo gegroei.Die munisipaliteit het gesê hy het reeds 3 000 residensiële erwe vir lae-inkomste inwoners beplan en opgemeet om die snelle uitbreiding van die nedersettings te takel.“Grondgrypery” en “beperkte toegang tot basiese dienste (water, sanitasie, elektrisiteit)” is onder die sleuteluitdagings, saam met ’n “gebrek aan sekuriteit teen die uitsetting van inwoners”.Die munisipaliteit het twee fases van opgradering vir die Reception-gebied en die Blikkiesdorp teen onderskeidelik N$26,58 miljoen en N$81,99 miljoen gelys, wat die gekombineerde behoefte op ongeveer N$108,6 miljoen te staan bring.Die raad soek ook finansiële bystand van die ministerie van stedelike en landelike ontwikkeling om die gebiede te formaliseer.By Kap en Bou het die munisipaliteit met die Namibia Housing Action Group en die Shack Dwellers Federation of Namibia saamgewerk ingevolge ’n memorandum van ooreenkoms om die nedersetting op te gradeer.’n Profiel is vir die nedersetting saamgestel en gelys, terwyl die gebied deur ’n private landmeter beplan en opgemeet is.Elektrifisering wat by Kap en Bou begin het, is egter later opgeskort.VERSNELDE OPGRADERINGDie raad het besluit om te begin om inwoners na hul aangewese erwe te verskuif en om die buigsame grondbesitregstelsel in te voer om onsekerheid oor uitsetting aan te spreek.Voorts word beplan om die “herbelyningsproses vir die informele nedersetting van Kap en Bou te “versnel” en om vennootskappe met ontwikkelingsvennote vir tegniese en finansiële ondersteuning te versterk.Die munisipaliteit het inwoners uit enkelkwartiere in 65 maatskaplike huise hervestig wat onder die Build Together-program gebou is.Oorblywende inwoners van die enkelkwartiere het grondtoekenningsbriewe ontvang en sal trek sodra herbelyning by die Reception-gebied voltooi is.’n Verdere 200 maatskaplike huise word onder ’n China-befondsde behuisingsprojek beplan.Die munisipaliteit het 200 volledig gedienste erwe in Omulunga-uitbreidings 7 en 8 vir die projek geïdentifiseer en gereserveer.– phillipus@nmh-hub.com.na

Sowat 2 400 gesinne wag vir basiese dienste in Grootfontein

Kommentaar

Republikein 2026-10-12

Meld asseblief aan om kommentaar te lewer

Sowat 2 400 gesinne wag vir basiese dienste in Grootfontein

Kommentaar

Republikein 2026-10-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.