Sentrale damme het (vir eers) genoeg water

Die sentrale gebied se waterbronne het genoeg water om vir twee reënseisoene te hou sonder enige onmiddellike kommer en geen waterbeperkings sal in hierdie stadium ingestel word nie.Dít is volgens NamWater se uitvoerende hoof, Abraham Nehemia, wat onlangs die jaarlikse werkwinkel vir belanghebbendes van die sentrale gebied van Namibië (CAN) in Windhoek aangebied het. Die werkwinkel het sleutelverteenwoordigers van die ministerie van landbou, visserye, water en grondhervorming, Stad Windhoek (CoW), streek- en plaaslike owerhede en verskeie belanghebbendes in die watersektor byeengebring om die beskikbaarheid van water in die gebied ná die 2024-’25-reënseisoen te bepaal, asook om die pad vorentoe vir watervoorsieningsbeplanning uit een te sit.Nehemia het tydens die werkwinkel besin oor die positiewe impak van die onlangse reënseisoen, wat waterbronne aangevul, ekosisteme ondersteun en landbouproduktiwiteit verhoog het.Hy het egter gewaarsku teen gerustheid en opgemerk dat die streek kwesbaar bly vir droogtesiklusse. Hy het beklemtoon dat NamWater gereeld die korttermyn-waterbeskikbaarheid evalueer en hidrologiese modelle toepas om verantwoordelike beplanning en volhoubare gebruik te lei.“Die reën het vir ons 'n oomblik van verligting gegee, maar die geskiedenis toon dat droë seisoene gewoonlik op goeie reën volg. Hierdie werkwinkel is van kritieke belang om te verseker dat ons voldoende voorberei en ons hulpbronne oordeelkundig bestuur,” het Nehemia gesê.Tydens die sessie is belanghebbendes op hoogte gebring van die huidige bergingsvlakke in die drie sentrale damme, Swakoppoort, Von Bach en Omatako, wat saam met die Windhoek Goreangab-bedryfsmaatskappy (Wingoc) voldoende waterreserwes het om deur twee reënseisoene te hou sonder onmiddellike kommer.Die Swakoppoortdam is tans 96,4% vol teenoor verlede jaar se vlak van 33,5% die ooreenstemmende tyd, die Von Bachdam staan op 84% teenoor verlede jaar se 11,2% en Omatako wat verlede jaar byna dolleeg was, is nou 63,1% vol. Dié sleutelaanbevelings is aan die einde van die werkwinkel aanvaar om watervoorsiening in die streek vir die komende seisoen te lei:&bull; Die herwinning van drinkwater vanaf Wingoc gaan voort teen 5,84 miljoen kubieke (Mm3) per jaar.&bull; Onttrekking van 0,5 Mm3 per jaar uit grondwater van Stad Windhoek (CoW).&bull; Invloei van 2,5 Mm3 per jaar via die bestuurde akwifer-aanvulling (MAR) in die Windhoek-akwifer.&bull; Geen wateroordragte sal vanaf noodbronne in die Karstgebied na die Von Bachdam plaasvind nie; sulke bronne sal slegs direkte gebruikers bedien.&bull; Geen waterbeperkings sal in hierdie stadium ingestel word nie.&bull; ’n Herbeoordeling van daminvloei sal in Mei 2026 gedoen word.Nehemia het die werkswinkel afgesluit deur die aktiewe deelname van alle belanghebbendes te prys en NamWater se verbintenis tot deursigtige samewerking en bewysgebaseerde beplanning te herbevestig.“Julle bydraes het ons benadering verryk en verseker dat ons strategieë gegrond is op beide wetenskap en gedeelde verantwoordelikheid. Kom ons handhaaf hierdie momentum,” het hy gesê.“NamWater bly toegewy daaraan om betroubare en volhoubare watervoorsieningsoplossings vir die sentrale gebied van Namibië en verder te verseker.”– francoise@nmh.com.na

Sentrale damme het (vir eers) genoeg water

Kommentaar

Republikein 2025-11-03

Meld asseblief aan om kommentaar te lewer

Sentrale damme het (vir eers) genoeg water

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.