Nie ‘n sent vir Brakwater nie

Vir die afgelope 18 jaar het Brakwater se inwoners en besighede betalings aan Stad Windhoek gedoen vir toekomstige uitbreidings en verbeterings, wat in twee gespesifiseerde rekeninge inbetaal moes word. Amper twee dekades later kan Stad Windhoek nie rekenskap van dié geld gee nie. Volgens die agenda van Raadsbesluit 267 van 2012 vir die Brakwater Grootmaatdiens Meesterplan, het stadsamptenare erken die rekeningnommers wat in 2004 vir Brakwater geskep is, nooit aangewend is vir toekomstige uitbreidings en verbeterings in daardie gebied nie.“Die heffings en betalings wat van die groter Brakwater-gebied ontvang word, moet na die nuwe spesiale rekeninge oorgeplaas word,” luidens die dokument.Volgens een van die verteenwoordigers van die Brakwater Raadgewende Komitee (BAC) is dit tien jaar later en steeds is die geld nog nie in enige Brakwater-gespesifiseerde finansiële rekeninge geplaas nie. “Die munisipaliteit se finansiële departement kon nie enige Brakwater-betalings wys wat in hierdie spesiaal geskepte rekeninge betaal is nie,” het hy gesê en bygevoeg dit word verstaan dat dié geld in ander Windhoek-rekeninge inbetaal is.&#039;n Raadsbesluit van 2004 het aangedui dat Brakwater-inwoners &#039;n 9%-betaling sal doen of alternatiewelik 7,5%, indien die ontwikkelaar die totale koste vir die verskaffing van die vereiste grootmaatdienste dra. "Al die ontwikkelaars in Brakwater word nou verplig om &#039;n 9%-betaling te maak ten spyte daarvan dat hulle hul eie grootmaatdienste moet voorsien sonder enige ondersteuning van die munisipaliteit," het die verteenwoordiger gesê.Hy het bygevoeg dat hulle [inwoners] bereid is om die verhoogde 9% te betaal op voorwaarde dat die munisipaliteit hierdie geld met rente waarborg vir toekomstige grootmaatdienste in die gebied en daar nie van ontwikkelaars verwag word om al die grootmaatdienste self te finansier nie. Die geld moet slegs aangewend word vir die verskaffing van grootmaatdienste in die groter Brakwater-gebied, maar in ooreenstemming met die jongste bydraebeleid vir infrastruktuur-ontwikkeling vir private ontwikkelaars, sal dit nou aan die totale uitgebreide grensgebied van 2011 beskikbaar gestel word.Hierdie jongste beleid spesifiseer dat "Stad Windhoek nie in &#039;n posisie is om munisipale en dienste vir grootmaat-infrastruktuur aan die gebied te verskaf totdat voldoende stedelike digthede bereik is nie” en "die koste van die verskaffing van infrastruktuur deur die ontwikkelaars gedra sal word en nie van die algemene belastingbetaler van die Stad verhaal kan word nie.”Volgens raadsdokumente van 2012 is die meesterplan vir Brakwater se grootmaatdienste aanvaar vir die verskaffing van grootmaatdienste, insluitend drinkwater, riool, besproeiingswater en paaie. Die huidige status van hierdie meesterplan en die implementering daarvan is onduidelik.Tot op hede het die meerderheid kapitaalprojekte wat vir die Brakwater-gebied goedgekeur is, nie gerealiseer nie. Dit sluit in die Brakwater-struktuurplan in 2013 met &#039;n goedgekeurde begroting van N$650 000, die teer van die res van die D1491 in 2015-’16 teen &#039;n koste van N$10 miljoen en die Brakwater-hoofriool van 2015-’16 teen ’n koste van N$2,5 miljoen, en in die 2016-’17-boekjaar vir N$15 miljoen.Geen terugvoer is van Stad Windhoek in hierdie verband ontvang nie. Volgens die verteenwoordiger sou ‘n vergadering verlede week plaasgevind het, maar nog geen datum is bekend gemaak nie.

Nie ‘n sent vir Brakwater nie

Kommentaar

Republikein 2025-11-20

Meld asseblief aan om kommentaar te lewer

Nie ‘n sent vir Brakwater nie

Kommentaar

Republikein 2025-11-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.