‘Myne kan help met klein ontsoutingsaanlegte’

Eerste minister Elijah Ngurare het myne in Erongo en ǁKharas uitgedaag om te betaal vir klein ontsoutingsaanlegte vir dorpe wat brak boorgatwater drink. Hy het gesê sulke eenhede kos min of meer dieselfde as wat amptenare aan verversings by konferensies bestee.Tydens die 3de Namibië streekwatersimposium vandeesweek op Swakopmund het Ngurare gesê die tegnologie is reeds in Erongo bewys. Drie omgekeerde-osmose-eenhede wat op kommunale plase in die Spitzkoppe-gebied geïnstalleer is, het ongeveer N$1 miljoen gekos en brak water in drinkwater omskep, het hy gesê.“Ek daag julle dus uit – die myne hier in Erongo, die myne in die ǁKharasstreek en sakelui oral wat oor ’n gesonde finansiële posisie beskik – om betrokke te raak en te sê: ‘Ons sal bydra tot die installering van twee, drie, vier of vyf klein ontsoutingsaanlegte’,” het hy gesê.Ngurare het na die gebottelde water en versnaperinge op die afgevaardigdes se tafels gewys en gesê: “Trouens, die begroting vir koekies alleen kan genoeg wees om vir ons ’n klein ontsoutingsaanleg te verskaf.”Hy het vroeër vir NamWater opdrag gegee om vandeesweek water na droogtegeteisterde kiesafdelings in Omusati te bring. Volgens hom geld dieselfde opdrag vir Erongo.“Of dit nou in die Kuiseb of Omatjete is, die opdrag bly dieselfde. Ons wil verseker dat water vloei,” het hy gesê. “Ja, ek is bewus van die situasie op Uis.”Ngurare het Otjimbingwe genoem as een van die gebiede waar die regering oor die vermoë beskik om water te voorsien.Hy het die minister en uitvoerende direkteur van landbou, visserye, water en grondhervorming opgedra gegee om terug te keer na die beplanningstafel en te verseker dat die direktoraat vir landelike watervoorsiening oor die nodige hulpbronne beskik om op te tree.“As die afdeling vir landelike watervoorsiening byvoorbeeld nie op ’n gegewe oomblik oor ’n voertuig beskik nie, kan hulle nie by die betrokke infrastruktuur uitkom nie,” het hy gesê.Ngurare het gesê befondsing vir die watersektor beloop nou meer as N$1 miljard - ’n toename van byna 39%. Meer as N$867 miljoen daarvan word gebruik vir die ontwikkeling, instandhouding en opgradering van waterinfrastruktuur.Die eerste minister het ook kritiek uitgespreek teenoor ontwikkelingsvennote en konsultante wat, volgens hom, dringende werk vertraag deur eindelose studies te onderneem. “As daar ’n boorgat gaan wees, kom ons gaan gee asseblief water aan die mense,” het hy gesê.Ngurare het finansiers versoek om in onmiddellike behoeftes te voorsien, en nie net in projekte vir die medium- en langtermyn nie.Sy uitdaging aan myne volg ’n dag nadat Adelino Batista, hoof van NamWater se sake-eenheid aan die kus, gesê het die beplande Erongo Sunam-seewaterontsoutingsaanleg sal na verwagting meer water produseer as wat Swakop Uranium benodig. Volgens hom skep die moontlikheid om ontsoute water na die binneland, die noordoostelike deel van Erongo – insluitend die Dâures-kiesafdeling – te herlei. Dit sal egter afhang van verbintenisse deur myne, die nywerheidsektor en die regering, gegewe die lang afstande en die hoë koste van ontsoute water. Die kleinskaalse aanlegte waarna Ngurare verwys het, werk anders en behandel ter plaatse brak boorgatwater. – adam@erongo.com.na

‘Myne kan help met klein ontsoutingsaanlegte’

Kommentaar

Republikein 2026-11-13

Meld asseblief aan om kommentaar te lewer

‘Myne kan help met klein ontsoutingsaanlegte’

Kommentaar

Republikein 2026-11-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.