Khorixas: 445 erwe vir informele nedersetting

Elizabeth //Kheibes - Die adjunkminister van stedelike en landelike ontwikkeling, Evelyn !Nawases-Taeyele, het verlede week 445 erwe in die informele nedersetting Ada-//Naugu in Khorixas oorhandig en gesê dit sal “mense se waardigheid herstel”. Tydens die geleentheid het sy gesê die inisiatief beklemtoon die belangrikheid daarvan dat alle Namibiërs ’n gelyke geleentheid moet hê om grond te besit.“Ons herstel die waardigheid van ons mense. Ons sê vir Namibië dat almal van ons gelyke geleenthede moet hê om toegang tot grond te kry en met hierdie en ander maatreëls bevorder ons die kollektiewe welsyn van ons mense.“Ons vier dus ’n mylpaal in terme van die versekering dat ons voortgaan om beduidende oorwinnings te behaal in die stryd teen haweloosheid in ons land,” het sy gesê.Vroeër vanjaar is berig dat Khorixas se inwonersgetal – soos verlede jaar – op sowat 11 000 gestaan het, gegrond op ’n algemene skatting van 3 213 huishoudings met ’n gemiddelde grootte van vier mense per huishouding.TOEGANG TOT WATERVolgens die adjunkminister val die projek onder die Kunene-opgraderingsprogram vir informele nedersettings, wat “dit vir gemarginaliseerde mense moontlik gemaak het om grond te besit vir behuising”.Terwyl water in die gebied tans deur gemeenskaplike staanpype verkry word, het !Nawases-Taeyele gesê dit is die raad se missie om elke huishouding direk aan die waterstelsel te koppel.“Toegang tot bekostigbare grond, water en gevolglik behoorlike sanitêre en higiëniese geriewe word ’n kritieke behoefte vir ons mense. Daarom wil ek die dorpsraad aanmoedig om te verseker dat, deur mense toegang tot grond te gee, plaaslike owerhede water as sleutelinfrastruktuur moet prioritiseer om behoorlike sanitasie te verseker aangesien dit menswaardigheid vir ons mense bring.“Op hierdie manier kan baie van ons burgers ’n waardige lewe lei,” het sy gesê.Sy het verder onthul in ’n poging om meer gedienste grond vir lae- en uiters lae-inkomstegroepe in Namibië te bekom, het die ministerie ’n nuwe behuisingsbeleid vir goedkeuring voorgelê.“Dit sal ons help om die lewering van meer huise ’n hupstoot te gee, veral vir diegene wat ’n lae inkomste verdien en eerstekeer-huiskopers.”– republikein@republikein.com.na

Khorixas: 445 erwe vir informele nedersetting

Kommentaar

Republikein 2025-06-17

Meld asseblief aan om kommentaar te lewer

Khorixas: 445 erwe vir informele nedersetting

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie