Impalila spog met ‘n teerpad
Impalila-eiland op die verste oostelike punt van Namibië spog met sy eerste en enigste teerpad wat een van die dae voltooi sal wees. Die klein eiland wat deur die Zambezi- en Choberivier omring word, word deur sowat 2 500 mense bewoon. Syria Simasiku het onlangs haar familie op Impalila vir die vakansie besoek en vertel inwoners is "ongelooflik opgewonde en trots" op hul teerpad.
“Vir baie inwoners is dit die eerste keer dat hulle ‘nteer pad sien. Daar is nie ‘n winkel op Impalila nie en wanneer ons inkopies wil doen, vat ons die boot oor die rivier en gaan koop ons goed in Katima Mulilo. Daar is ‘n teerpad, maar nou het ons ons eie mooi teerpad op die eiland en almal kan dit sien!”
Volgens haar was dit veral in die reëntyd ‘n uitdaging omdat die hoofpad, wat die lengte van die eiland is, deur die reën in ‘n sanderige modderpad verander is. Die sowat 17 km-lange teerpad is tans sowat 80 % voltooi.
“Dit was verskriklik. Ons kon nie op die pad stap nie en die bakkies kon nie ry nie. Onthou, almal moet van die taxi-bakkies gebruik maak om by die punt uit te kom vanwaar die bote vertrek. Dan kom jy terug met jou inkopies en klim op die bakkie om huis toe te gaan. Wanneer die pad so sleg is in die reëntyd, ry min van die bakkies en ons moet loop. Nou kan ons lekker op ons teerpad loop! Die inwoners is so opgewonde dat almal teerpad toe gaan om ‘n foto te neem, sodat ons dit vir almal kan wys,” het Syria gesê. Volgens haar is daar minder as tien voertuie op die eiland, maar sy dink dit was weens die toestand van die grondpad wat nie geskik vir kleiner voertuie was nie. “Met die teerpad sal ons meer voertuie op die eiland kry.”
Die Paaieowerheid (RA) kon nie teen druktyd nie sê hoeveel die pad gekos het nie. - [email protected]
“Vir baie inwoners is dit die eerste keer dat hulle ‘nteer pad sien. Daar is nie ‘n winkel op Impalila nie en wanneer ons inkopies wil doen, vat ons die boot oor die rivier en gaan koop ons goed in Katima Mulilo. Daar is ‘n teerpad, maar nou het ons ons eie mooi teerpad op die eiland en almal kan dit sien!”
Volgens haar was dit veral in die reëntyd ‘n uitdaging omdat die hoofpad, wat die lengte van die eiland is, deur die reën in ‘n sanderige modderpad verander is. Die sowat 17 km-lange teerpad is tans sowat 80 % voltooi.
“Dit was verskriklik. Ons kon nie op die pad stap nie en die bakkies kon nie ry nie. Onthou, almal moet van die taxi-bakkies gebruik maak om by die punt uit te kom vanwaar die bote vertrek. Dan kom jy terug met jou inkopies en klim op die bakkie om huis toe te gaan. Wanneer die pad so sleg is in die reëntyd, ry min van die bakkies en ons moet loop. Nou kan ons lekker op ons teerpad loop! Die inwoners is so opgewonde dat almal teerpad toe gaan om ‘n foto te neem, sodat ons dit vir almal kan wys,” het Syria gesê. Volgens haar is daar minder as tien voertuie op die eiland, maar sy dink dit was weens die toestand van die grondpad wat nie geskik vir kleiner voertuie was nie. “Met die teerpad sal ons meer voertuie op die eiland kry.”
Die Paaieowerheid (RA) kon nie teen druktyd nie sê hoeveel die pad gekos het nie. - [email protected]
Kommentaar
Republikein
Geen kommentaar is op hierdie artikel gelaat nie