Hoachanas se krane droog

Inwoners van Hoachanas pleit vir dringende ingryping om hul dors te les en die watervoorsiening aan die nedersetting in die Hardapstreek te herstel.“Hier gebeur niks nie; dit is net stil en warm en ons vrek van die dors,” sê David Gurubeb.Volgens hom is die inwoners van Hoachanas al vir drie maande lank sonder water en hul groentetuine, waarop baie van die verarmde inwoners staatmaak, verdor en vrek voor hul oë.Die pompstelsel wat water vanaf die boorgate na die nedersetting bring, is wéér stukkend. Mense moet twee tot drie kilometer ver loop om water te gaan haal, sê hy.“Moet iemand eers van die dors sterf voordat hulp verleen word?” vra hy.Gurubeb voeg by elke oggend is ’n verlore stryd om antwoorde by die nedersetting se kantoor te kry en die raadslid van die kiesafdeling vir Mariental-landelik is glo nêrens te vind is nie.Hy dring aan op ’n ‘plan B’ terwyl herstelwerk gedoen word en versoek dat watertenke gereël word om intussen water te lewer.Op navraag het Hardap se goewerneur, Riaan McNab, bevestig hy is bewus van die situasie en dat Schlip en Klein Aub ook in terme van geraakte gemeenskappe prioriteit geniet. Al drie nedersettings word deur ’n projek van die streekraad geteiken, sê hy.Verdere navrae is aan die Hardap-streekraad se direkteur vir infrastruktuur, Julian Engelbrecht, verwys. Hy sê ’n span werknemers is tans op die grond besig om die pompe weer aan krag te koppel. Die streekraad wil ook ’n ander boorgat dieper boor, maar wag op ’n permit vanaf die departement van watersake in die ministerie landbou, visserye, water en grondhervorming. ’n Permit is nodig om in die ondergrondse waterkom te boor, verduidelik Engelbrecht. Volgens hom was die dokument reeds teen eergister of gister verwag.Engelbrecht sê Hoachanas se bevolking het aansienlik gegroei, wat druk op watervoorsiening plaas. Die boorgat is die oplossing, omdat dit meer watertoevoer sal voorsien, sê hy. “Fakturering is ook ’n probleem,” sê hy, aangesien die meerderheid van Hoachanas se inwoners gratis watertoevoer geniet, wat meer mense na die nedersetting lok, sê hy. Angelika Gleich, stigter van die Hoachanas-kinderfonds (HCF), sê die situasie is al jare lank moeilik, maar het die afgelope drie maande ernstig geword. “Dis ’n verskriklike situasie,” sê sy. Sekere woonbuurte in die dorp het geen watertoevoer nie en kinders kom daagliks na die HCF-kantoor om iets te drinke te kry. Water word per vragmotor daarheen vervoer, verduidelik sy.HCF borg ook die pomp vir die boorgat, sowel as die koppeling van die pyplyne aan die nedersetting se waterstelsel, voeg sy by.Immanuel Kauena, die projekkoördineerder vir HCF, sê die skool in die nedersetting – wat sowat 900 leerlinge van graad 0 tot graad 12 het, is ook heeltemal sonder water. ’n Watertenkwa lewer daagliks een kubieke meter water daar af, mits dit nie vir ander doeleindes benodig word nie wat hy meen egter op dat selfs dit onvoldoende is. Verder word die koshuis, die kliniek en die polisiestasie uit ’n ander boorgat voorsien, wat ook nie behoorlik funksioneer nie.Gleich noem dat tuinwerkers om eenuur in die oggend opstaan om water in emmers vir hul plante te gaan haal, wat dan deur die loop van die dag gebruik word.– augetto@nmh-hub.com.na

Hoachanas se krane droog

Kommentaar

Republikein 2026-11-13

Meld asseblief aan om kommentaar te lewer

Hoachanas se krane droog

Kommentaar

Republikein 2026-11-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.