Daures gereed vir groenkunsmisproduksie
Produksie van 920 ton geteiken
Namibië maak reg om sy eerste groenkunsmisproduksie-inisiatief van stapel te stuur met die Daures Green Hydrogen Village wat teen die vierde kwartaal van 2026 kunsmis sal begin vervaardig.
Namibië berei voor om sy eerste groenkunsmisproduksie-inisiatief van stapel te stuur, met die Daures Green Hydrogen Village wat gereed maak om kunsmis teen die vierde kwartaal van 2026 by sy toetsaanleg te vervaardig.
Dit is pas in die Daures kiesafdeling van die Erongostreek bekendgestel en stel die land in staat om ‘n plaaslike en streekswye vervaardiger en uitvoerder van groenammoniumsulfaatkunmis te word. Die projek gebruik sonkrag om groen waterstof en ammoniak te vervaardig, wat dan tot groen kunsmis gesintetiseer word.
Hierdie benadering verminder Namibië se afhanklikheid op duur ingevoerde kunsmis en takel voedselonsekerheid deur plaaslike produksie met die gebruik van hernubare hulpbronne.
“Ons wil verseker dat Namibië nie net ‘n verbruiker van internasionale tegnologie is nie, maar ook ‘n bydraer tot globale vernuwing in landbou word. Hierdie projek is nie meer ‘n konsep nie, dit word geïmplimenteer en vergroot,” het die uitvoerende hoof, Jerome Namaseb, tydens ‘n mediabesoek na die perseel verlede week gesê.
DRIE FASES
Hy het bygevoeg dat die Daures Green Hydrogen Village gekies is as een van net vyf Lighthouse-projekte in die wêreld, onder die Verenigde Nasies se Nywerheidsontwikkelingsorganisasie (Unido) se mededingende Accelerate-to-Demonstrate-program en so internasionale ondersteuning en finansiering verseker het. Die ontwikkeling is in drie fases verdeel met die loodsfase wat ‘n jaarlikse produksie van 100 ton kunsmis teen 2026 teiken.
Die opvolgende vergrotende fases sal produksie met 420 ton per jaar verhoog om uiteindelik die totaal
tot meer as 900 ton ‘n jaar te bring. Die aanleg sal groen ammoniumsulfaat vervaardig, krities vir die
bevordering van opbrengste in die streek se onderpresterende landbousektor.
“Afrika gebruik tans ongeveer een sewende van die wêreldwye aanbevole hoeveelheid kunsmis per
hektaar. Dit is een van die belangrikste redes vir lae opbrengste en voedselonsekerheid,” het Namaseb
verduidelik.
SKOON ENERGIE
“Ons oplossing takel dit direk deur plaaslik te produseer, skoon energie te gebruik en afhanklikheid van internasionale voorsieningskettings, wat deur kwessies soos die oorlog in Oekraïne ontwrig word, te verminder.”
Tans word die projek deur Duitsland se federale ministerie van onderwys en navorsing (BMBF) gefinansier, met verdere ondersteuning van Unido nou verseker. Die sluit ‘n program vir die verspreiding van kennis in, asook vennootskappe om Namibiese studente in groen waterstof en landboutoepassings op te lei. Die kunsmis-inisiatief vorm deel van Namibië se breër groennywerheidstrategie. Die vervaardigingsproses, aangedryf deur wind- en sonkrag, onttrek waterstof uit water en stikstof uit die lug uit om groen ammoniak te vervaardig, ‘n kern komponent van die kunsmis. Die model is volgens Namibië se doelwitte om die ekonomie van koolstof vry te stel en voedsel- en energie-invoere wat tans sowat 40% van nasionale benodighede verteenwoordig, te verminder.
“Ons het ‘n werkloosheidsyfer van meer as 35%. Landbou bly die grootste werkgewer. Dit gaan nie oor kunsmis nie, maar oor die vestiging van nywerhede, werksgeleenthede en kapasiteit binne Namibië,” het Namaseb die belang van die projek tot nasionale ontwikkeling beklemtoon.
- [email protected]
Dit is pas in die Daures kiesafdeling van die Erongostreek bekendgestel en stel die land in staat om ‘n plaaslike en streekswye vervaardiger en uitvoerder van groenammoniumsulfaatkunmis te word. Die projek gebruik sonkrag om groen waterstof en ammoniak te vervaardig, wat dan tot groen kunsmis gesintetiseer word.
Hierdie benadering verminder Namibië se afhanklikheid op duur ingevoerde kunsmis en takel voedselonsekerheid deur plaaslike produksie met die gebruik van hernubare hulpbronne.
“Ons wil verseker dat Namibië nie net ‘n verbruiker van internasionale tegnologie is nie, maar ook ‘n bydraer tot globale vernuwing in landbou word. Hierdie projek is nie meer ‘n konsep nie, dit word geïmplimenteer en vergroot,” het die uitvoerende hoof, Jerome Namaseb, tydens ‘n mediabesoek na die perseel verlede week gesê.
DRIE FASES
Hy het bygevoeg dat die Daures Green Hydrogen Village gekies is as een van net vyf Lighthouse-projekte in die wêreld, onder die Verenigde Nasies se Nywerheidsontwikkelingsorganisasie (Unido) se mededingende Accelerate-to-Demonstrate-program en so internasionale ondersteuning en finansiering verseker het. Die ontwikkeling is in drie fases verdeel met die loodsfase wat ‘n jaarlikse produksie van 100 ton kunsmis teen 2026 teiken.
Die opvolgende vergrotende fases sal produksie met 420 ton per jaar verhoog om uiteindelik die totaal
tot meer as 900 ton ‘n jaar te bring. Die aanleg sal groen ammoniumsulfaat vervaardig, krities vir die
bevordering van opbrengste in die streek se onderpresterende landbousektor.
“Afrika gebruik tans ongeveer een sewende van die wêreldwye aanbevole hoeveelheid kunsmis per
hektaar. Dit is een van die belangrikste redes vir lae opbrengste en voedselonsekerheid,” het Namaseb
verduidelik.
SKOON ENERGIE
“Ons oplossing takel dit direk deur plaaslik te produseer, skoon energie te gebruik en afhanklikheid van internasionale voorsieningskettings, wat deur kwessies soos die oorlog in Oekraïne ontwrig word, te verminder.”
Tans word die projek deur Duitsland se federale ministerie van onderwys en navorsing (BMBF) gefinansier, met verdere ondersteuning van Unido nou verseker. Die sluit ‘n program vir die verspreiding van kennis in, asook vennootskappe om Namibiese studente in groen waterstof en landboutoepassings op te lei. Die kunsmis-inisiatief vorm deel van Namibië se breër groennywerheidstrategie. Die vervaardigingsproses, aangedryf deur wind- en sonkrag, onttrek waterstof uit water en stikstof uit die lug uit om groen ammoniak te vervaardig, ‘n kern komponent van die kunsmis. Die model is volgens Namibië se doelwitte om die ekonomie van koolstof vry te stel en voedsel- en energie-invoere wat tans sowat 40% van nasionale benodighede verteenwoordig, te verminder.
“Ons het ‘n werkloosheidsyfer van meer as 35%. Landbou bly die grootste werkgewer. Dit gaan nie oor kunsmis nie, maar oor die vestiging van nywerhede, werksgeleenthede en kapasiteit binne Namibië,” het Namaseb die belang van die projek tot nasionale ontwikkeling beklemtoon.
- [email protected]
Kommentaar
Republikein
Geen kommentaar is op hierdie artikel gelaat nie