Cuvelai: Net 9 van 26 vloedstasies nié beskadig

Van die 26 stasies wat die vloedwater in die Cuvelai-gebied tussen Outap en Ohangwena monitor, werk nog net nege. Die res is almal deur vandale beskadig. So het die ministerie van landbou, water en bosbou se Jona Musheko gister aan die media bevestig. Dit volg nadat minister Calle Schlettwein dit verlede week in die sosiale media bekend gemaak het dat Namibië se gesofistikeerde moniteringstelsel vir vloede, wat in alle niestandhoudende riviere geplaas is, insluitende dié wat die efundja na Namibië bring, glo deur beide diewe en vandaliste beskadig is.Intussen moes die ministerie ’n span hidroloë ontplooi om die instroming van vloedwater te monitor wat tans vanuit die suide van Angola na die oostelike dele van die Cuvelai-opvangsgebied in die Ohangwenastreek vloei.Musheko het intussen ’n video met die media gedeel om te wys hoe die stasies lyk. “Dit het drie plekke waar dit sluit . . . Tog vind mense die tyd om deur dit alles te breek.“Die oplossing is om toerusting aan te skaf wat nie maklik beskadig kan word nie. Die wat ons tans het, is egter reeds duursame toerusting,” het Musheko gesê. Hy sê dat beide die toerusting op die grond asook satelliete nodig is om vloede te monitor. Die stasies op die grond is nodig om ’n dieptemeting van vloede te maak. “Die oplossing is dat ons waarskynlik baie geld sal moet belê om toerusting aan te koop en op te rig soos wat ons in die Nkurenkuru-gebied het. Hierdie soort toerusting is egter baie duur,” het hy gesê en bygevoeg dat dit sowat 15 jaar gelede N$50 000 gekos het. “Om nog so een te installeer soos op Nkurenkuru, sal jy sowat N$2 miljoen nodig hê. Die land gaan egter deur moeilike tye en daarom sal ons eers dit wat ons het, herstel – totdat ons eendag dalk genoeg geld het om dit te vervang.“Vir nou betrek ons ook gemeenskapsleiers om hulle te help verstaan dat die stasies daar is om ons te help om hulle veilig te hou,” het Musheko gesê.Intussen het hidroloë uit die Cuvelai-gebied laat weet dat daar na verwagting meer water uit die suide van Angola op pad is, veral omdat die gebied goeie reën ontvang het. – elvira@republikein.com.na

Cuvelai: Net 9 van 26 vloedstasies nié beskadig

Kommentaar

Republikein 2026-06-19

Meld asseblief aan om kommentaar te lewer

Cuvelai: Net 9 van 26 vloedstasies nié beskadig

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.