China distansieer hom van Usakos-padtender
Herrie oor 'uitsluiting' van Namibiërs
China sê hy het min insig in hoe sewe van sy maatskappye op die kortlys vir die padkonstruksie-tender in die Erongostreek opgeëindig het.
Ogone Tlhage - Die Chinese ambassade in Namibië sê die opgradering van die Karibib-Usakos-pad word nie deur sy regering gefinansier nie en het dus nie deelgeneem aan die proses wat daartoe gelei het dat sewe Chinese maatskappye die kortlys vir die tender gehaal het nie.
Die Paaieowerheid (RA), onder wie die projek val, het gesê hy het nie ’n noemenswaardige aantal tenders van Namibiese maatskappye vir die opgradering ontvang nie. Trouens, net drie Namibiese maatskappye het belangstelling getoon in die bodproses, wat deur die Duitse ontwikkelingsbank KfW gefinansier word.
Conrad Lutombi, die uitvoerende hoof van die RA, het in Mei gesê aangesien die KfW die padopgradering van N$300 miljoen finansier, is dit die bank wat die vereistes gestel het vir maatskappye wat aan die projek kan deelneem.
Tydens ’n media-skakelgeleentheid by die ambassade verlede week, het die Chinese ambassadeur Zhao Weiping gesê hoewel hy nie insig het in die proses wat tenderaars op die kortlys geplaas het nie, kan hy net aan die mededingendheid van Chinese maatskappye dink as rede waarom al sewe kandidate van sy land is.
Dit volg op onlangse herrie oor die feit dat nie een van die maatskappye in die wedloop Namibies is nie.
Die gelukkige sewe – China Civil Engineering Construction Corporation, China Jiangxi International, China Railway Seventh, UNIK Construction, Zhongmei Engineering, China Henan International Corporation en Shandong Luqiao Group – het die kortlys gehaal in wat die Metaal- en Verwante Werkersunie van Namibië (Manwu) en die Federasie vir die Konstruksiebedrywe van Namibië (CIF) beskryf as uitsluiting van Namibiërs se deelname aan die projek.
MEDEDINGING
Zhao het aan joernaliste gesê: “Dit moet ’n gevolg van markmededinging wees, en ek dink die betrokke owerhede het reeds ’n verduideliking gegee.”
Chinese maatskappye het hul deel gedoen om die wet te gehoorsaam wanneer hulle vir projekte tender, het hy vinnig bygevoeg.
Die vooroordeel teen die maatskappye op die kortlys is verder ongeregverdig, het Zhao bygevoeg.
BUITELANDSE GELD, BUITELANDSE REëLS
Verlede maand het Lutombi gesê: “Wat gebeur het, is dat ons ’n voorkwalifikasie-tender geopen het en dit was ingevolge KfW se reëls. Dit was oop vir internasionale maatskappye en nie net Namibiese maatskappye nie. Altesaam 17 maatskappye het getender en hieruit was daar net drie Namibiese maatskappye – in gesamentlike ondernemings.
“Wanneer hulle met buitelandse finansies te make het, het hulle hul eie verkrygingsreëls en dan loop die tender internasionaal,” het hy bygevoeg.
Namibiese maatskappye sal steeds by die projek baat, aangesien hulle 25% van die waarde van die projek gegun sal word om te voltooi, het hy gesê.
“Vir die sewe maatskappye wat gekwalifiseer het, sal dit ’n vereiste wees dat vier maatskappye sal deelneem saam met wie ook al hierdie bod wen. Uit die totaal is 25% van die projek se koste vir Namibiese kontrakteurs.
“Die wen-tenderaar sal die bod kry op die basis dat vier Namibiese kontrakteurs betrokke is,” het Lutombi gesê.
– [email protected]
Die Paaieowerheid (RA), onder wie die projek val, het gesê hy het nie ’n noemenswaardige aantal tenders van Namibiese maatskappye vir die opgradering ontvang nie. Trouens, net drie Namibiese maatskappye het belangstelling getoon in die bodproses, wat deur die Duitse ontwikkelingsbank KfW gefinansier word.
Conrad Lutombi, die uitvoerende hoof van die RA, het in Mei gesê aangesien die KfW die padopgradering van N$300 miljoen finansier, is dit die bank wat die vereistes gestel het vir maatskappye wat aan die projek kan deelneem.
Tydens ’n media-skakelgeleentheid by die ambassade verlede week, het die Chinese ambassadeur Zhao Weiping gesê hoewel hy nie insig het in die proses wat tenderaars op die kortlys geplaas het nie, kan hy net aan die mededingendheid van Chinese maatskappye dink as rede waarom al sewe kandidate van sy land is.
Dit volg op onlangse herrie oor die feit dat nie een van die maatskappye in die wedloop Namibies is nie.
Die gelukkige sewe – China Civil Engineering Construction Corporation, China Jiangxi International, China Railway Seventh, UNIK Construction, Zhongmei Engineering, China Henan International Corporation en Shandong Luqiao Group – het die kortlys gehaal in wat die Metaal- en Verwante Werkersunie van Namibië (Manwu) en die Federasie vir die Konstruksiebedrywe van Namibië (CIF) beskryf as uitsluiting van Namibiërs se deelname aan die projek.
MEDEDINGING
Zhao het aan joernaliste gesê: “Dit moet ’n gevolg van markmededinging wees, en ek dink die betrokke owerhede het reeds ’n verduideliking gegee.”
Chinese maatskappye het hul deel gedoen om die wet te gehoorsaam wanneer hulle vir projekte tender, het hy vinnig bygevoeg.
Die vooroordeel teen die maatskappye op die kortlys is verder ongeregverdig, het Zhao bygevoeg.
BUITELANDSE GELD, BUITELANDSE REëLS
Verlede maand het Lutombi gesê: “Wat gebeur het, is dat ons ’n voorkwalifikasie-tender geopen het en dit was ingevolge KfW se reëls. Dit was oop vir internasionale maatskappye en nie net Namibiese maatskappye nie. Altesaam 17 maatskappye het getender en hieruit was daar net drie Namibiese maatskappye – in gesamentlike ondernemings.
“Wanneer hulle met buitelandse finansies te make het, het hulle hul eie verkrygingsreëls en dan loop die tender internasionaal,” het hy bygevoeg.
Namibiese maatskappye sal steeds by die projek baat, aangesien hulle 25% van die waarde van die projek gegun sal word om te voltooi, het hy gesê.
“Vir die sewe maatskappye wat gekwalifiseer het, sal dit ’n vereiste wees dat vier maatskappye sal deelneem saam met wie ook al hierdie bod wen. Uit die totaal is 25% van die projek se koste vir Namibiese kontrakteurs.
“Die wen-tenderaar sal die bod kry op die basis dat vier Namibiese kontrakteurs betrokke is,” het Lutombi gesê.
– [email protected]
Kommentaar
Republikein
Geen kommentaar is op hierdie artikel gelaat nie