Bou 10 000 huise per jaar, sê president

President Netumbo Nandi-Ndaitwah het Vrydag twee voorafvervaardigde huise, elk ter waarde van N$200 000, in Windhoek se 8ste Laan in Otjomuise aan twee begunstigdes oorhandig.Nandi-Ndaitwah het gesê sy het die nuwe huise uit haar eie sak befonds en laat bou om te toon dat “dit regtig gedoen kan word”.Die nuwe huiseienaars, pensioenarisse Menesia Ngunovandu en Kuku Johana Kambwela van die Kilimanjaro-nedersetting, het gesê die huise is ’n droom wat waar geword het.Ngunovandu se nuwe huis staan langs die sinkhuis waar haar kinders en kleinkinders gebore is. Sigbaar emosioneel het sy die geleentheid as “die vervulling van ’n lank gekoesterde gebed vir ordentlike behuising” beskryf.Die president het gesê Namibië se behuisingsgaping van 500 000 huise moet dringend gevul word.“Vanaf 2025 moet ons elke jaar 10 000 huise bou, sodat ons teen 2030 kan sê hierdie agtste administrasie het 50 000 huise in Namibië bygevoeg. “Sedert 2025 hou ek toesig, nadat ons gepraat en beplan het, maar ek moet vir julle sê, daar is iets waaraan ons moet werk,” het sy gesê.“Onthou, tyd is ’n niehernubare hulpbron; as jy dit verloor, het jy dit verloor. Ek is bekommerd, want nou het ek ’n jaar en ’n half verloor,” het Nandi-Ndaitwah gesê.“Regtig, dit sal so jammer wees as 2030 aanbreek en ek kon nie 50 000 huise gelewer het nie,” het sy gesê.Nandi-Ndaitwah het Yambuka Housing se stigter en direkteur, Twapewa Kadhikwa, geloof omdat sy die projek betyds voltooi het. Nadat die fondamente gelê is, is die huise binne twee weke opgerig.Kadhikwa het gesê daar is Namibiërs wat wil werk. “Laat ons werk, laat ons nywerhede bou,” het sy gesê.“Gee my vandag ’n bestelling, 5 000 huise; ons sal dit vir julle gee,” het Kadhikwa bygevoeg. – augetto@nmh-hub.com.na

Bou 10 000 huise per jaar, sê president

Kommentaar

Republikein 2026-10-20

Meld asseblief aan om kommentaar te lewer

Bou 10 000 huise per jaar, sê president

Kommentaar

Republikein 2026-10-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.