Maroela as simbool van hoop gevier

Vroue dra kleipotte met die maroelasap wat deur feesgangers gedrink is tydens die Omaongo-kultuurfees wat die naweek by die Oukwanyama Tradisionele Paleis in Omhedi in die Ohangwenastreek gehou is. Die fees kry sy naam van die gefermenteerde sap van maroelavrugte wat “omagongo” of “omaongo” in verskillende Oshiwambo-dialekte genoem word. Dit dien as ’n simbool van eenheid en bring tradisionele owerhede, gemeenskappe en individue uit al die streke van die land bymekaar. Die maroelaboom word as ’n simbool van hoop in gemeenskappe in Afrika gesien. FOTO TUYEIMO HAIDULA