Werker word vergoed ná 7 jaar

Die hoërhof het vandeesweek beslis dat ’n werknemer van die ministerie van finansies wat in 2016 afgedank is vir beweerde wangedrag, heraangestel moet word en die ministerie moet haar die vergoeding betaal wat sy sedert haar afdanking sou ontvang het.Dit volg ná die werknemer in 2016 twee interne dissiplinêre verhore gehad het en afgedank is. Sy het die saak by die arbeidskommissaris aanhangig gemaak waarna die arbiter beslis het dat sy regverdig afgedank is. Die werknemer het teen die arbitrasietoekenning by die hoërhof in Windhoek geappelleer en regter Marlene Tommasi het Dinsdag uitspraak gelewer.Volgens die uitspraak word die ministerie van finansies beveel om die werknemer aan te stel in die posisie wat sy beklee het voor haar afdanking en dat hulle haar as vergoeding dit moet betaal wat sy sou ontvang het indien sy nooit afgedank was nie.In die werknemer se beëdigde verklaring wat by die hof ingedien is, beweer sy dat die eerste dissiplinêre verhoor wat die ministerie uitgevoer het, nie geldig was nie.“Tydens die aanvanklike verhoor op 23 Maart 2016 was die ondersoek na die klagte van beweerde wangedrag nie voltooi nie en daarom moes hierdie verhoor nie as die aanvanklike dissiplinêre verhoor gegeld het nie. Al die daaropvolgende gebeure is daarom ook nietig,” het sy in haar hofstukke aangevoer.NIE SAAK TEENGESTAANHoewel die ministerie van finansies op 28 Oktober 2021 kennisgewing gegee het dat hulle die saak gaan teenstaan het die kantoor van die staatsprokureur op 12 Julie 2022 die hof in kennis gestel dat dit nie meer die geval sal wees nie. Geen rede is vir die terugtrekking verskaf nie. Die saak het daarom sonder die teenstaan van enige party voortgegaan en is Dinsdag afgehandel en gevolglik van die rol geskrap. –kristien@republikein.com.na

Werker word vergoed ná 7 jaar

Kommentaar

Republikein 2026-02-04

Meld asseblief aan om kommentaar te lewer

Werker word vergoed ná 7 jaar

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.