Vulstasie slaag in dringende aansoek teen energieminister
Gochas Lewendehawe Agente cc het Dinsdag daarin geslaag om op ’n dringende basis ’n interdik teen die minister van myne en energie te verkry.
Die interdik verhoed dat die minister die vulstasie in Eerstelaan in Gochas se bedrywighede mag staak tot die hof beslis het of die ministerie se besluit om hul brandstoflisensie te kanselleer, geldig is.
Die saak kom nadat die minister op 15 Maart opdrag gegee het dat dié vulstasie se lisensie gekanselleer moet word, aangesien hulle na bewering misleidende inligting in hul aansoek verskaf het.
Me. Grete Wiesner van Gochas Lewendehawe Agente cc het in samewerking met haar regsverteenwoordigers van Francois Erasmus & Partners, op 3 Mei die dringende aansoek by die hoërhof in Windhoek ingedien.
“Die applikant poog om die minister se opdrag om die kleinhandellisensie vir brandstof te kanselleer, te hersien en tersyde te stel,” lui Gochas Lewendehawe Agente se eisbesonderhede in hul aansoek vir hersiening.
Bykomend tot dié aansoek het die vulstasie ook op ’n dringende basis aansoek vir ’n tussentydse bevel gedoen wat die minister daarvan weerhou om sy opdragte uit te voer, tot die hof ’n uitspraak oor die hersieningsaansoek gelewer het.
Regter Eileen Rakow het Dinsdag die tussentydse bevel toegestaan en die saak tot 14 Junie vir voorverhoorverrigtinge uitgestel.
AGTERGROND
Gochas Lewendehawe Agente cc het volgens hul eisbesonderhede op 9 September 2020 by die minister aansoek gedoen vir ’n wysiging van hul brandstoflisensie van 2008, wat die minister glo op 5 November 2020 goedgekeur het.
Die minister het op 22 Junie 2021 kennisgewing gegee van die ministerie se voorneme om die lisensie te kanselleer, maar dit is glo eers op 10 Augustus 2021 aan Gochas gekommunikeer.
“Die ministerie het bevind dat u misleidende inligting verskaf het met betrekking tot die aansoek om die wysiging van u kleinhandellisensie ... as sodanig word bevind dat bedrywighede onder die lisensie in stryd met die wet is, vandaar my besluit om u lisensie te kanselleer soos per regulasie 31 van die Petroleum-produkteregulasies,” lui die kennisgewing.
Die minister het op 15 Maart amptelik besluit om die lisensie te kanselleer en het Gochas in kennis gestel dat bedrywighede op die perseel onmiddellik gestaak moet word.
‘MISLEIDENDE INLIGTING’
Volgens Gochas stipuleer regulasie 31 dat die minister slegs ’n lisensie kan kanselleer indien hy in die kennisgewing “die besonderhede van die beweerde versuim of oortreding uiteen sit”.
Gochas voer aan die kennisgewing wat hulle ontvang het, het net ’n vae bewering bevat dat hulle ‘misleidende inligting’ verskaf het.
Gochas het ná die ontvangs van dié kennisgewing per e-pos navrae gedoen oor die beweerde misleidende inligting en volgens hofstukke het ’n sekere me. Hangero op 11 Augustus gereageer.
“Die aansoek wat by die ministerie ingedien is, was ’n wysigingsaansoek en nie ’n aansoek vir 'n nuwe kleinhandelperseel nie. U het aansoek gedoen om tenks te hervestig en van verskaffers te verander en goedkeuring is daarvoor verleen, maar in plaas daarvan is ’n nuwe kleinhandelperseel gebou. As sodanig het die ministerie nie 'n kleinhandelaansoek vir 'n nuwe kleinhandelperseel in Gochas ontvang nie, en daarom is geen goedkeuring verleen nie,” lui die verduideliking wat Gochas glo ontvang het.
Gochas beweer dié verduideliking het nie van die minister af gekom nie en is daarom nie in pas met die bepalings van regulasie 31 waarop die minister steun vir die kansellasie van die lisensie nie.
Verder beweer Gochas dat geen verandering van die gelisensieerde perseel plaasgevind het nie.
“Daar is ’n vulstasie op die gelisensieerde perseel wat bloot opgeknap is. Die perseel is ook opgegradeer en nuwe tenks is verskuif om aan spesifikasies van die ministerie van myne en energie te voldoen. Die adres het dieselfde gebly,” beweer Gochas.
Gochas ontken dat hul ooit die ministerie mislei het.
“Gochas het van die begin af sy voornemens aan die ministerie duidelik gemaak oor die proses wat gevolg sal word in die opgradering van die gelisensieerde perseel.” – [email protected]
Die interdik verhoed dat die minister die vulstasie in Eerstelaan in Gochas se bedrywighede mag staak tot die hof beslis het of die ministerie se besluit om hul brandstoflisensie te kanselleer, geldig is.
Die saak kom nadat die minister op 15 Maart opdrag gegee het dat dié vulstasie se lisensie gekanselleer moet word, aangesien hulle na bewering misleidende inligting in hul aansoek verskaf het.
Me. Grete Wiesner van Gochas Lewendehawe Agente cc het in samewerking met haar regsverteenwoordigers van Francois Erasmus & Partners, op 3 Mei die dringende aansoek by die hoërhof in Windhoek ingedien.
“Die applikant poog om die minister se opdrag om die kleinhandellisensie vir brandstof te kanselleer, te hersien en tersyde te stel,” lui Gochas Lewendehawe Agente se eisbesonderhede in hul aansoek vir hersiening.
Bykomend tot dié aansoek het die vulstasie ook op ’n dringende basis aansoek vir ’n tussentydse bevel gedoen wat die minister daarvan weerhou om sy opdragte uit te voer, tot die hof ’n uitspraak oor die hersieningsaansoek gelewer het.
Regter Eileen Rakow het Dinsdag die tussentydse bevel toegestaan en die saak tot 14 Junie vir voorverhoorverrigtinge uitgestel.
AGTERGROND
Gochas Lewendehawe Agente cc het volgens hul eisbesonderhede op 9 September 2020 by die minister aansoek gedoen vir ’n wysiging van hul brandstoflisensie van 2008, wat die minister glo op 5 November 2020 goedgekeur het.
Die minister het op 22 Junie 2021 kennisgewing gegee van die ministerie se voorneme om die lisensie te kanselleer, maar dit is glo eers op 10 Augustus 2021 aan Gochas gekommunikeer.
“Die ministerie het bevind dat u misleidende inligting verskaf het met betrekking tot die aansoek om die wysiging van u kleinhandellisensie ... as sodanig word bevind dat bedrywighede onder die lisensie in stryd met die wet is, vandaar my besluit om u lisensie te kanselleer soos per regulasie 31 van die Petroleum-produkteregulasies,” lui die kennisgewing.
Die minister het op 15 Maart amptelik besluit om die lisensie te kanselleer en het Gochas in kennis gestel dat bedrywighede op die perseel onmiddellik gestaak moet word.
‘MISLEIDENDE INLIGTING’
Volgens Gochas stipuleer regulasie 31 dat die minister slegs ’n lisensie kan kanselleer indien hy in die kennisgewing “die besonderhede van die beweerde versuim of oortreding uiteen sit”.
Gochas voer aan die kennisgewing wat hulle ontvang het, het net ’n vae bewering bevat dat hulle ‘misleidende inligting’ verskaf het.
Gochas het ná die ontvangs van dié kennisgewing per e-pos navrae gedoen oor die beweerde misleidende inligting en volgens hofstukke het ’n sekere me. Hangero op 11 Augustus gereageer.
“Die aansoek wat by die ministerie ingedien is, was ’n wysigingsaansoek en nie ’n aansoek vir 'n nuwe kleinhandelperseel nie. U het aansoek gedoen om tenks te hervestig en van verskaffers te verander en goedkeuring is daarvoor verleen, maar in plaas daarvan is ’n nuwe kleinhandelperseel gebou. As sodanig het die ministerie nie 'n kleinhandelaansoek vir 'n nuwe kleinhandelperseel in Gochas ontvang nie, en daarom is geen goedkeuring verleen nie,” lui die verduideliking wat Gochas glo ontvang het.
Gochas beweer dié verduideliking het nie van die minister af gekom nie en is daarom nie in pas met die bepalings van regulasie 31 waarop die minister steun vir die kansellasie van die lisensie nie.
Verder beweer Gochas dat geen verandering van die gelisensieerde perseel plaasgevind het nie.
“Daar is ’n vulstasie op die gelisensieerde perseel wat bloot opgeknap is. Die perseel is ook opgegradeer en nuwe tenks is verskuif om aan spesifikasies van die ministerie van myne en energie te voldoen. Die adres het dieselfde gebly,” beweer Gochas.
Gochas ontken dat hul ooit die ministerie mislei het.
“Gochas het van die begin af sy voornemens aan die ministerie duidelik gemaak oor die proses wat gevolg sal word in die opgradering van die gelisensieerde perseel.” – [email protected]
Kommentaar
Republikein
Geen kommentaar is op hierdie artikel gelaat nie